Stop the path of 'Swabhimani' at Kasola fork
Stop the path of 'Swabhimani' at Kasola fork 
मुख्य बातम्या

कासोळा फाट्यावर ‘स्वाभिमानी’चा रास्ता रोको

टीम अॅग्रोवन

यवतमाळ :  शेतकऱ्यांच्या विविध मागण्यांसाठी स्वाभिमानी शेतकरी संघटनेच्या वतीने बुधवारी (ता. २१)  कासोळा फाट्यावर रास्ता रोको आंदोलन करण्यात आले. ‘स्वाभिमानी’च्या या आंदोलनामुळे माहूर- पुसद मार्गावरील वाहतूक प्रभावित झाली होती. 

महागाव, पुसद व उमरखेड तालुक्यात सरासरीपेक्षा पाचपट अधिक पावसाची नोंद झाली. याचा फटका जिल्ह्यात सर्वदूर बसला. सोयाबीन, कपाशी, तूर, मूग, उडीद ही पिके उध्वस्त झाली. याची जिल्हा प्रशासनाला देखील माहिती असून प्रशासनाकडून बांधावर जात पाहणी करण्यात आली. सर्वेक्षण व पंचनाम्याची गाडी मात्र पुढे सरकली नाही. त्यामुळे शेतकरी मदतीपासून वंचित आहेत. याची तातडीने दखल घेत प्रशासनाने सर्वेक्षण पंचनामे करावे, अशी मागणी संघटनेने केली.

या मागणीच्या पूर्ततेसाठी स्वाभिमानी कडून ‘रास्ता रोको’चा इशाराही देण्यात आला होता. मात्र, प्रशासनाकडून या मागणीची दखल घेण्यात  न आल्याने अखेरीस बुधवारी माहूर पुसद मार्गावर संघटनेचे जिल्हाध्यक्ष मनीष जाधव यांच्या नेतृत्वात रास्ता रोको आंदोलन करण्यात आले. 

सुमारे तासभर चाललेल्या आंदोलनामुळे या राज्य मार्गावरील वाहतूक प्रभावित झाली. खरीप २०२० २१ मध्ये सरासरीपेक्षा अधिक पाऊस झाल्यामुळे ओला दुष्काळ जाहीर करण्यात यावा, सोयाबीन, कापूस व अन्य पिकांना पीक विम्याची सरसकट भरपाई द्यावी, सर्वेक्षण व पंचनाम्याची प्रक्रिया न करताच थेट आर्थिक मदत जाहीर करावी, ही मदत कमीत कमी ५० हजार रुपये असावी,  निकृष्ट दर्जाच्या बियाण्यांमुळे दुबार पेरणी करावी लागलेल्या शेतकऱ्यांना बियाण्यासह सर्व खर्च द्यावा, वन्य प्राण्यांमुळे पिकांचे होणारे नुकसान टाळण्यासाठी शेत कुंपणाची अनुदान योजना राबवावी आदी मागण्या करण्यात आल्या. 

जिल्ह्यातील सोळाही तालुक्यात कापूस व सोयाबीन खरेदी केंद्र तात्काळ सुरू करावे, रब्बी हंगामासाठी शेतकऱ्यांना ९० टक्के अनुदानावर गहू- हरभरा बियाणे उपलब्ध करून द्यावे, ओल्या दुष्काळाच्या पार्श्वभूमीवर शेतकऱ्यांच्या कर्ज माफीचा निर्णय घ्यावा अशा मागण्या यावेळी आंदोलकांनी केल्या. कासोळा सरपंच रंजना फोपसे,  ग्रामपंचायत सदस्य, शंकर राठोड, विजय राठोड, सुधाकर डाखोरे, निवृत्ती राठोड, किशोर राठोड यांच्यासह शेतकरी आंदोलनात सहभागी झाले होते.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Leopard Attack : राधानगरीत बिबट्याचा हल्ल्यात गाय ठार, धनगरवाड्यात भितीचे वातावरण

Pulses Market : महाडला देशी कडधान्ये तेजीत

Water Issue : योजना सुरू, पण लाभ क्षेत्रातील तलाव कोरडे

Agrowon Podcast : मक्याला काय भाव मिळतोय? कापूस, सोयाबीन, गहू, टोमॅटो यांचे दर काय आहेत?

Sugar Quota : मे महिन्यात साखरेचा कोटा वाढला, घाऊक बाजारात मंदीची लाट

SCROLL FOR NEXT