मध्य महाराष्ट्र, मराठवाड्यात तुरळक ठिकाणी पावसाचा अंदाज
मध्य महाराष्ट्र, मराठवाड्यात तुरळक ठिकाणी पावसाचा अंदाज 
मुख्य बातम्या

मध्य महाराष्ट्र, मराठवाड्यात तुरळक ठिकाणी पावसाचा अंदाज

टीम अॅग्रोवन

पुणे : राज्यावर अवकाळीचे ढग असल्याने पावसाचे सावट कायम आहे. रविवारी आणि सोमवारी मध्य महाराष्ट्र, मराठवाड्यात तुरळक ठिकाणी पावसाची शक्यता अाहे. तर मंगळवारी आणि बुधवारी विदर्भात हलका पाऊस पडण्याचा अंदाज वर्तविण्यात आला आहे. ढगाळ हवमानामुळे दिवसाच्या तापमानात सरासरीच्या तुलनेत मोठी घट झाली. शनिवारी सकाळपर्यंतच्या २४ तासांमध्ये जळगाव येथे उच्चांकी ३६.६ अंश सेल्सिअस तापमानाची नाेंद झाली. अरबी समुद्रातील कमी दाबाचे क्षेत्र निवळून गेले आहे. शनिवारी दुपारी कोकण, मध्य महाराष्ट्रात ढगाळ हवामान होते. सकाळपर्यंतच्या २४ तासांमध्ये राज्यातील कोल्हापूर, बीड, लातूर, नांदेड, परभणी, हिंगोली, नागपूर, भंडारा, चंद्रपूर, गडचिरोली येथे पावसाची नोंद झाली आहे. ढगाळ हवामानामुळे कोकण वगळता राज्यात दिवसाच्या कमाल तापमानात सरासरीच्या ५ अंशांपेक्षा अधिक घट झाली होती. परभणी येथे दिवसाचे तापमानात सरासरीपेक्षा तब्बल १४.५ अशांनी घसरले होते. तर ब्रह्मपुरी, चंद्रपुरात १२.७ अंश, गोंदियामध्ये १० अंशांची घट झाली होती. पुणे, कोल्हापूर, सांगली, सोलापूर, औरंगाबाद, अमरावती, नागपूर, वर्धा येथे शुक्रवारचा दिवस थंड होता. पुढील दोन दिवसांत दिवसाच्या तापमानात पुन्हा घट होणार अाहे.   शनिवारी (ता. १७) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान, कंसात तापमानात सरासीच्या तुलनेत झालेली घट (अंश सेल्सिअसमध्ये) : पुणे २८.२ (-७.२), नगर ३१.० (-४.९), जळगाव ३६.६ (- ०.९), कोल्हापूर २९.३ (-६.५), महाबळेश्वर २६.८ (-३.२), मालेगाव ३६.४ (०.२), नाशिक ३३.० (-२.१), सांगली २९.४ (-७.२), सातारा ३१.० (-३.५), सोलापूर ३०.१ (-७.३), मुंबई ३३.० (१.६), अलिबाग ३०.४ (-०.३), रत्नागिरी ३५.६ (४.०), डहाणू ३१.४ (०.८), भिरा ३४.० (-४.१), औरंगाबाद २९.४ (-६.०), परभणी २२.५ (-१४.५), अकोला ३२.५ (-४.४), अमरावती २९.२ (-७.३), बुलडाणा २८.५ (-५.३), ब्रह्मपुरी २३.२ (-१२.७), चंद्रपूर २५.२ (-१२.७), गोंदिया २५.४ (-१०.०), नागपूर २७.६ (-८.३), वर्धा २९.० (-६.७), यवतमाळ ३१.० (-४.८).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Onion Rate : कांद्याचे बाजार शुल्क घटवले एक रुपयावरून ५० पैशांवर

Crop Damage : गारपीट, वादळी पाऊस होऊनही पीक नुकसान नसल्याचा अहवाल

Veterinary : पशुचिकित्सा पुनर्रचनेविरोधात पदविकाधारकांनी थोपटले दंड

Crop Damage : अवकाळी पावसामुळे एक हजार हेक्टरवर नासधूस

Onion Market : ‘एनसीसीएफ’द्वारे उद्यापासून सुरू होणार कांदा खरेदी

SCROLL FOR NEXT