यवतमाळ : जिल्ह्यात विषबाधित मृतांच्या कुटुंबीयांची व रुग्णांची भेट घेण्यासाठी कृषी राज्यमंत्री सदाभाऊ खोत जिल्ह्यात आले. येथील जिल्हा शासकीय रुग्णालयात येताच शेतकरी व विरोधकांनी त्यांना घेरले. शेतकऱ्यांच्या संयमाचा बांध फुटल्याने त्यांच्यावर पंपाच्या माध्यमातून फवारणीचा प्रयत्न झाला. राज्यमंत्र्यांवर अशा प्रकारे फवारणीचा प्रयत्न झाल्याने रुग्णालय परिसरात एकच गोंधळ उडाला.

कीडनाशक फवारल्याचे शहा यांनी सांगितल्याने पोलिसांनी त्यांना ताब्यात घेतले. शहा यांच्यावर गुन्हा दाखल करणार असल्याचे शहर पोलिसांनी सांगितले. दरम्यान, शेतकऱ्यांच्या मृत्यूला कारणीभूत असणाऱ्या कृषी व वनविभागाच्या अधिकाऱ्यांवर सदोष मनुष्यवधाचा गुन्हा दाखल करण्यात यावा, अशा विविध मागण्यांचे निवेदन शेतकरी संघर्ष समितीतर्फे देण्यात आले.