सातारा   : जिल्ह्यातील माण, फलटण या तालुक्यांचा अपवाद इतर सर्व तालुक्यांत कमी अधिक प्रमाणात पाऊस झाला आहे. जिल्ह्यात गुरुवारी सकाळपर्यंत (ता. १२) सरासरी  २१.५ मिमी पावसाची नोंद झाली आहे.

जिल्ह्यात मंगळवारच्या तुलनेत बुधवारी पावसाचा जोर वाढला होता. महाबळेश्वरसह पाटण, जावळी व सातारा या तालुक्यांत दमदार पाऊस झाला आहे. कराड, खंडाळा, वाई, कोरेगाव, खटाव तालुक्यांतही हलका ते मध्यम पाऊस झाला. माण व फलटण तालुक्यांना पावसाने बुधवारी पुन्हा हुलकावणी दिली आहे. कोयना धरणाच्या पाणलोट क्षेत्रात पावसाचा जोर वाढला आहे.

धरण क्षेत्रातील कोयना येथे १२७, नवजा येथे १३०, महाबळेश्वर येथे ९१ मिमी पावसाची नोंद झाली.  गुरुवारी सकाळपर्यंतच्या २४ तासांत धरणातील पाणीसाठयात ३.२१ टीएमसीने झाली आहे. कोयना धरणात ५३.०३ टीएमसी पाणीसाठा झाला असून धरण ५०.३८ टक्के भरले आहे.

तालुकानिहाय पाऊस मिमी ः सातारा १६.६, जावली  २७.७, पाटण ३२, कराड  ७.२, कोरेगाव  ४.४, खटाव २.३, माण ०, फलटण  ०, खंडाळा  ७.४, वाई ७.२, महाबळेश्वर १३२.