नगर : बाजार समित्यांत कांद्याची आवक कमी झालेली असतानाही कांदादरात वाढ होत नव्हती. उलट मागील आठवड्यात २०० ते ३०० रुपये प्रति क्विंटल दर घसरल्याने शेतकरी हतबल झाले. बुधवारी (ता. २२) झालेल्या लिलावात कांदा उत्पादक शेतकऱ्यांना काहीसा दिलासा मिळाला आहे. घोडेगाव तालुका नेवासा येथील बाजार समितीत कांद्याची साधारण सरासरी दोनशे रुपये प्रति क्विंटलने दरात वाढ झाली आणि प्रति क्विंटल २१०० रुपयापर्यंत दर मिळाला. काही गोण्या कांद्याला अडीच हजार रुपयापर्यंत दरही मिळाला.  नगर जिल्ह्यातील नगर पारनेर घोडेगाव राहाता राहुरी अकोले संगमनेर बाजार समितीत कांद्याचे लिलाव होतात. नगर, घोडेगाव आणि पारनेर बाजार समितीत कांद्याची सर्वाधिक आवक होत असते. गेल्या काही दिवसांपासून या दरात मात्र फारशी वाढ होताना दिसत नव्हती तू नही दर मिळत नसल्याने कांदा उत्पादक शेतकरी हतबल झाले. मागील आठवड्यात तर प्रति क्विंटल २०० ते ३०० रुपयांनी दर आहेत घट झाली. काल माता कांद्याच्या दराने बाजारात काहीशी उसळी मारली. घोडेगाव बाजार समितीत बुधवारी ४६ हजार कांदा गोण्यांची आवक झाली. सुरुवातीला १७०० ते २१००चा भाव निघाला. नंतर काही कांद्याला अडीच हजार ते सत्तावीसशे रुपये भाव मिळाला.