पुणे : बैलगाडा शर्यतीवरील बंदी उठवावी आणि पेटा कायदा रद्द करावा आदी विविध मागण्यांसाठी उद्या (ता. २८) चाकण येथे खा. शिवाजीराव आढळराव पाटील यांच्या नेतृत्वाखील आंदाेलन करण्यात येणार आहे. या आंदाेलनात पक्षीय राजकारण आणि मतभेद विसरून सर्व राजकीय लाेकप्रतिनिधींनी सहभागी व्हावे, असे आवाहन खा. आढळराव पाटील यांनी केले आहे. बैलगाडा शर्यतींवरील बंदी कायमची उठवावी, यासाठी केंद्र सरकारने कायदा करावा, कायद्याचे विधेयक लाेकसभेच्या अधिवेशनात सादर करावे, अशी मागणीदेखील पंतप्रधान नरेंद्र माेदी यांच्याकडे करण्यात आली आहे. शनिवारी (ता. २८) हाेणाऱ्या आंदाेलनासाठी राज्याच्या विविध भागांतून गाडामालक, शेतकरी, शाैकीन, गाडा व्यवसायावर अवलंबून असणारे विविध व्यावसायिक माेठ्या संख्येने सहभागी हाेणार असल्याचे खा. आढळराव यांच्याकडून सांगण्यात आले आहे.