मोर्णा स्वच्छता अभियानाची पंतप्रधानांकडून दखल
मोर्णा स्वच्छता अभियानाची पंतप्रधानांकडून दखल 
मुख्य बातम्या

मोर्णा स्वच्छता अभियानाची पंतप्रधानांकडून दखल

सकाळ वृत्तसेवा

'मन की बात’मध्ये लोकचळवळीचे काैतुक ‘सकाळ’ ने सुरू केली होती संवर्धनाची चळवळ

अकोला : अकोला शहराची जीवनवाहिनी प्रदूषणामुळे विषवाहिनी झाली. या जीवनवाहिनीला स्वच्छ करण्याचा विडा अकोलेकरांनी उचलला आणि पाहतापाहता ही लोकचळवळ उभी झाली. मोर्णा नदी स्वच्छतेसाठी अकोलेकरांनी घेतलेल्या पुढाकाराची पंतप्रधान नरेंद्र मोदी यांनी दखल घेऊन २०१८ या वर्षातील पहिल्याच ‘मन की बात’मध्ये त्यांनी या लोकचळवळीचे काैतुक केले. २०१६ मध्ये ‘सकाळ’ने सुरू केलेली मोर्णा संवर्धनाची चळवळ जिल्हा प्रशासनाच्या पुढाकाराने लोकचळवळ झाली आणि त्याची दखल देशपातळीवर घेतली गेली. मोर्णा नदी जलकुंभीमुळे प्रदूषित झाली. तिला मोकळा श्‍वास घेता यावा म्हणून जिल्हाधिकारी आस्तिककुमार पाण्डेय यांनी पुढाकार घेत मोर्णा नदी स्वच्छतेला लोकचवळीचे स्वरूप दिले. या वर्षीच्या सुरवातीलाच त्यांनी लोकसहभागातून ही नदी स्वच्छ करण्यासाठी पुढाकार घेतला आणि पाहतापाहता ‘मिशन मोर्णा’ला लोकचळवळीचे स्वरूप मिळाले. दर शनिवारी मोर्णा नदीच्या काठावर अकोलेकरांनी एकत्र येऊन विषवाहिनीला गतवैभव मिळून देण्यासाठी योगदान दिले. या चळवळीत शंभरपेक्षा अधिक स्वयंसेवी संस्था आणि सहा हजारांपेक्षा अधिक लोकांनी सहभाग घेऊन नदी स्वच्छतेचा एक आदर्श देशापुढे ठेवला. त्याचा उल्लेख पंतप्रधान मोदी यांनी रविवारी देशातील नागरिकांपुढे ‘मन की बात’ बात ठेवताना केला. अकोलेकरांच्या या सकारात्मक कार्याचा हा गाैरव असून, त्यातून मोर्णा नदी स्वच्छतेच्या अभियानाला आणखी बळ मिळणार आहे. ‘सकाळ’चा पुढाकार मोर्णा नदी संवर्धनाची संकल्पना सर्वप्रथम ‘सकाळ’ने मांडली. त्यासाठी कार्यक्रम हाती घेतला. मोर्णा नदीच्या काठावर स्वच्छता मोहीमही राबविण्यात आली. मोर्णा नदीच्या काठावर विविध ठिकाणी जनजागृतीपर कार्यक्रमही ‘सकाळ’च्या वतीने घेण्यात आले. ‘सकाळ’ची संकल्पना जिल्हा प्रशासनाने भरभक्कमपणे राबविली. त्याला नागरिकांनीही जोमदार प्रतिसाद दिला. नदी साफ करण्यासाठी संपूर्ण शहर एकवटले. ‘सकाळ’च्या संकल्पनेने आता लोकचळवळीचे रूप धारण केल्याची ही अद्‍भुत घटना आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Karnataka Drought farmers : कर्नाटकातील शेतकऱ्यांना लवकरच दिलासा; दोन-तीन दिवसांत मिळणार दुष्काळाचे पैसे 

Monsoon 2024 : सलग अकरा महीने उष्णतेची| तीन नवीन ट्रॅक्टर बाजारात दाखल| राज्यात काय घडलं?

Jambhul Season : जांभळाचा हंगाम लांबल्याने जांभूळ पिकाला फटका

Crop Loan : पीक वाटपात विदर्भ आणि मराठवाड्याशी दुजाभाव का?

Land Survey : कोल्हापुरातील सहा तालुक्यांत जमिनींची ‘ई-मोजणी’ सुरू

SCROLL FOR NEXT