सांगली : सेंद्रिय शेती मालाची विक्री करण्यासाठी उभारण्यात आलेला मॉल
सांगली : सेंद्रिय शेती मालाची विक्री करण्यासाठी उभारण्यात आलेला मॉल 
मुख्य बातम्या

सांगली जिल्ह्यात सेंद्रिय शेतमालाला हवी हक्काची बाजारपेठ

Abhijeet Dake

सांगली जिल्ह्यामध्ये सेंद्रिय शेतीमाल विक्री करण्यासाठी येथील जिल्हा अधीक्षक कृषी कार्यालयाजवळ सेंद्रिय मॉल उभाण्यात आला आहे. हा मॉल येत्या महिनाभरात सुरू होणार आहे. त्यामुळे शेतकऱ्यांना सेंद्रिय शेतीमाल विक्रीसाठी याचा फायदा होईल. मात्र, आजही सेंद्रिय शेतीमालाला ठोस अशी बाजारपेठ उपलब्ध नसल्याने तालुकानिहाय बाजारपेठ उभा करण्याची मागणी येथील शेतकरी करू लागले आहेत.

शेतकऱ्यांनी सेंद्रिय शेती करावी यासाठी आत्माअंतर्गत सांगली जिल्ह्यात २६ गटांची स्थापना झाली आहे. त्यामुळे सेंद्रिय शेती करण्यासाठी शेतकरी पुढे आले आहेत. या गटात सुमारे १०७७ शेतकरी असून १ हजार ३०० एकर क्षेत्र आहे. शेतकरी भाजीपाला, गूळ, हळद यासह अनेक पिकांचे सेंद्रिय पद्धतीने उत्पादन घेत आहेत. सध्या सेंद्रिय उत्पादित शेतीमालाला ठोस अशी बाजारपेठ उपलब्ध झाली नसल्याने शेतकरी बांधावरच शेतीमालाची विक्री करताहेत. त्यामुळे सेंद्रिय शेतीमाल विक्रीसाठी तालुकानिहाय बाजारपेठ निर्माण झाली पाहिजे, अशी मागणी शेतकरी करू लागले आहेत.

कृषी विभागाकडून सेंद्रिय शेतीचे गट स्थापन झाले. त्यांना सेंद्रिय शेती कशी करायची याचे मार्गदर्शनही मिळाले. परंतु त्याची विक्री व्यवस्था कशी करायची याबाबत ठोस असे नियोजन अद्यापही झाले नाही. जिल्ह्यात आणि जिल्ह्याबाहेर सेंद्रिय पद्धतीने पिकविलेला शेतीमाल स्वतः जावून विक्री करणे शक्‍य नाही. त्यामुळे जागेवरच विक्री करावी लागते आहे. त्यामुळे ब्रॅडिंग करणे कठीण बनले आहे. परिमाणी ग्राहकांचा शोध घ्यावा लागतो. सेंद्रिय शेतीचा गट तयार झाल्यानंतर उत्पादित झालेल्या शेतीमालाची कृषी विभागाशी संलग्न असलेल्या प्रयोगशाळेत तपासणी करून त्याचे प्रमाणपत्र दिले जाते. यामुळे उत्पादित केलेला शेतीमाल हा शंभर टक्के सेंद्रिय अाहे यावर शिक्कामोर्तब होतो.

जिल्हा प्रशासन आणि कृषी विभागाच्या माध्यमातून सेंद्रिय शेती मॉल उभारण्यासाठी पुढाकार घेण्यात अाला. मॉलसाठी जिल्हा नियोजन समितीच्या मार्फत निधी उपलब्ध करू देण्यात आला आहे. त्यानुसार सांगली शहरातील जिल्हा कृषी अधीक्षक कार्यालयाजवळ सेंद्रिय मॉलचे काम सुरू केले. हे काम पूर्णत्वाकडे आले आहे. परंतु, अजून हा मॉल सुरू होण्यासाठी एक महिन्याचा कालावधी लागणार आहे. गेल्या आठवड्यात जिल्हा कृषी कार्यालायात कृषी अधिकारी आणि खरेदीदार यांची बैठक झाली. या बैठकीत जे शेतकरी सेंद्रिय उत्पादन करतात अशा शेतकऱ्यांचे प्रमाणपत्र पाहून शेतीमालाची खरेदी केली जाईल असा निर्णय घेण्यात अाला आहे.

सेंद्रिय शेतीमाल विक्रीसाठी बाजारपेठ उपलब्ध नाही. त्यामुळे मालाची विक्री करण्यासाठी अडथळे निर्माण होऊ लागले आहेत. कृषी विभागाने सेंद्रिय शेतीमाल विक्री करण्यासाठी व्यवस्था करावी. - सचिव येवले, शेतकरी, पडवळवाडी, ता. वाळवा, जि. सांगली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Leopard Attack : राधानगरीत बिबट्याचा हल्ल्यात गाय ठार, धनगरवाड्यात भितीचे वातावरण

Pulses Market : महाडला देशी कडधान्ये तेजीत

Water Issue : योजना सुरू, पण लाभ क्षेत्रातील तलाव कोरडे

Agrowon Podcast : मक्याला काय भाव मिळतोय? कापूस, सोयाबीन, गहू, टोमॅटो यांचे दर काय आहेत?

Sugar Quota : मे महिन्यात साखरेचा कोटा वाढला, घाऊक बाजारात मंदीची लाट

SCROLL FOR NEXT