कीटकनाशक फवारणी प्रकरण
कीटकनाशक फवारणी प्रकरण 
मुख्य बातम्या

नव्या कीटकनाशकांना अँटिडोटच नाही

Vinod Ingole

शेती झाली विषारी... भाग ६ यवतमाळ  ः कृषी सेवा केंद्रांवरील अवलंबित्व आणि नव्याने बाजारात आलेल्या कीटकनाशकांना अँटिडोटची उपलब्धताच नसणे ही कारणेदेखील विषबाधा प्रकरणाशी जोडली गेली आहेत. परिणामी सरसकट कीटकनाशकांकरिता एकाच प्रकारची उपचार पद्धती यामुळे अंगीकारली जात असल्याचा दावादेखील या क्षेत्रातील तज्ज्ञांनी केला आहे.  ‘‘देशभरात केंद्रीय कीटकनाशक मंडळ व नोंदणीकरण समिती (सीआयबीआरसी)च्या मान्यतेनंतर कीटकनाशकांना लेबल क्‍लेम जारी केले जाते. कोणत्या पिकाकरिता कोणते कीटकनाशक किंवा त्यातील घटक उपयोगी आहेत त्यानुसार वापरण्यास मान्यता दिली जाते,’’ अशी माहिती नागपूर येथील डॉ. पंजाबराव देशमुख कीटकशास्त्र विभागाचे प्रमुख डॉ. राम गावंडे यांनी दिली.  ‘सीआयबीआरसी’ने मान्यता दिलेल्या काही कीटकनाशकांच्या पॅकिंगवर अँटिडोटच नसल्याचा उल्लेख आहे. त्यामुळे विषबाधा झालेल्या रुग्णांकरिता सरसकट एकाच प्रकारची उपचारपद्धती अवलंबिली जाते. यवतमाळमधील प्रकरणातदेखील असेच घडल्याची शक्‍यता डॉ. पंजाबराव देशमुख कृषी विद्यापीठाचे माजी कुलगुरू डॉ. शरदराव निंबाळकर यांनी व्यक्‍त केली.             (समाप्त) प्रतिक्रिया कृषी विभाग आणि संशोधन संस्थांवरचा विश्‍वास उडाल्यामुळेच शेतकरी कृषी सेवा केंद्राच्या भरवशावर आहे. या दोन्ही यंत्रणांकडून पुरेसे मार्गदर्शन झाले असते, तर शेतकऱ्यांवर ही वेळ आलीच नसती. बाजारात नव्याने फिप्रोनील, इमीडाक्‍लोप्रीड, ऍझोक्सीस्ट्रोबीन यांसह अनेक रसायने आली आहेत; ज्यांच्या पॅकिंगवर अँटिडोटचाच उल्लेख नाही. शासनाने याची गंभीर दखल घेणे अपेक्षित होते; परंतु यात दुर्लक्षच झाल्याचे प्रथमदर्शनी सिद्ध होत आहे. त्यासोबतच कृषी विभाग आणि सोबतच कृषी विद्यापीठानेदेखील आपली विस्तार यंत्रणा अधिक विस्तारित करण्याची गरज आहे. - डॉ. शरदराव निंबाळकर , माजी कुलगुरू, डॉ. पंजाबराव देशमुख कृषी विद्यापीठ, अकोला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Disaster Relief Fund : रायगडमध्ये आपत्ती बचावासाठी हजार कोटी

Water Issue : शेतीसाठी ‘धनपूर’ धरणाच्या पाण्याची प्रतीक्षा

Orchard Planting : एक हजार हेक्टरवर सांगलीत फळबाग लागवड

Onion Market : कांदा उत्पादकांच्या डोळ्यात पुन्हा धुळफेक; सरकारने दिलेली ९९,१५० टन निर्यातीला परवानगी जुनीच

Fertilizer Demand : चोपडा तालुक्याला २७ हजार टन खतांची गरज

SCROLL FOR NEXT