वाशीम ः कोरोनाविरुद्ध उपाययोजना करण्यास मदत म्हणून मालेगाव कृषी उत्पन्न बाजार समितीने मुख्यमंत्री सहायता निधीला २५ हजार रुपयांचा सहायता निधी देण्यात आला. सभापती किसनराव घुगे यांच्या उपस्थितीत आमदार अमित झनक यांच्या हस्ते मदतीचा धनादेश नायब तहसीलदार राठोड यांना देण्यात आला.

आर्थिक संकटात राज्याला मदतीचा हात म्हणून मालेगाव कृषी उत्पन्न बाजार समितीच्या वतीने मुख्यमंत्री सहायता निधीसाठी २५ हजारांची मदत करण्यात आली.

यावेळी कृषी उत्पन्न बाजार समितीचे सभापती घुगे यांच्यासह जिल्हा बँकेचे संचालक दिलीपराव जाधव, उपसभापती गणपतराव गालट, बबनराव चोपडे, सुरेश शिंदे, राजकुमार शिंदे, नानाराव आदमने, गणेश उंडाळ, शंकर मगर, अमोल लादे, प्रकाश पाटील, सुभाष वाझुळकर, नंदू अनसिंगकर यांच्यासह समितीचे सचिव दिलीप वाझूळकर, माधव काळबांडे, दामू राठोड, किशोर कांबळे, खरेदी विक्री संघाचे अध्यक्ष भगवानराव शिंदे यांची उपस्थिती होती.