‘राष्ट्रीय गोकूळ मिशन’मध्ये पश्चिम विभागात महाराष्ट्र सर्वोत्कृष्ट
‘राष्ट्रीय गोकूळ मिशन’मध्ये पश्चिम विभागात महाराष्ट्र सर्वोत्कृष्ट  
मुख्य बातम्या

‘राष्ट्रीय गोकूळ मिशन’मध्ये पश्चिम विभागात महाराष्ट्र सर्वोत्कृष्ट

टीम अॅग्रोवन

मुंबई :  केंद्र पुरस्कृत‘राष्ट्रीय गोकूळ मिशन’अंतर्गत पशुसंवर्धन क्षेत्रातील कार्याबद्दल दिल्या जाणाऱ्या सर्वोत्कृष्ट राज्य पुरस्काराचा बहुमान पश्चिम विभागातील महाराष्ट्र राज्याने पटकावला असून, या पुरस्कारासह एकूण सात पुरस्कारांवर राज्याने मोहोर उमटवली आहे. केंद्र शासनाकडून देशातील चार विभागांतर्गत हे पुरस्कार जाहीर करण्यात आले आहेत. पश्चिम विभागामध्ये महाराष्ट्रासह, गुजरात,  मध्य प्रदेश, गोवा, छत्तीसगड या राज्यांचा; तसेच दादरा व नगर हवेली आणि दीव-दमण या केंद्रशासित प्रदेशांचा समावेश आहे. यात राष्ट्रीय गोपाल रत्न पुरस्कार, राष्ट्रीय गोकूळ मिशनची उत्कृष्ट अंमलबजावणी, उत्कृष्ट पशुवैद्यक, उत्कृष्ट कृत्रिम रेतन सेवा पुरस्कार तसेच सर्वोत्कृष्ट राज्य पुरस्कार राज्याला प्राप्त झाले आहेत. पश्चिम विभागातील सर्वोत्कृष्ट राज्याच्या पुरस्कारासाठी पशुधनाची उत्पादकता, पशुवैद्यकीय सेवेचा दर्जा, रोग नियंत्रण, पशुप्रजनन कार्यक्रमाची उत्कृष्ट अंमलबजावणी, कृत्रिम रेतनाचे काम, रोग प्रादुर्भावासंदर्भातील माहिती केंद्र शासनाच्या पोर्टलवर भरण्यास प्रतिसाद, केंद्र पुरस्कृत योजनांची अंमलबजावणी, पशुसंवर्धन योजनांची माहिती पशुपालकांपर्यंत पोचविण्याचा विस्तार कार्यक्रमाची उत्कृष्ट अंमलबजावणी आदी बाबींचा विचार करण्यात आला. देशी गोवंश तसेच म्हशींच्या जातींचे जतन व संवर्धन यावर ‘राष्ट्रीय गोकूळ मिशन’मध्ये विशेष भर देण्यात आला आहे. राज्याला प्राप्त झालेले पुरस्कार - 

  • राष्ट्रीय गोपाल रत्न पुरस्कार : प्रथम पुरस्कार :अनिरुद्ध भगीरथ पाटील, तरसाली, ता. बागलाण, जि. नाशिक  उत्कृष्ट पशुवैद्यक पुरस्कार  - 
  • प्रथम पुरस्कार - डॉ. अनिल तुळशीराम परिहार, सहायक पशुसंवर्धन आयुक्त, तालुका लघूू पशुवैद्यकीय रुग्णालय, कराड  (जि. सातारा), द्वितीय पुरस्कार - डॉ. दिनकर भाऊराव बोर्डे, सहायक पशुसंवर्धन आयुक्त, तालुका लघू पशुवैद्यकीय रुग्णालय, पंढरपूर (जि. सोलापूर), उत्कृष्ट कृत्रिम रेतन तंत्रज्ञ पुरस्कार - द्वितीय पुरस्कार - बाळासाहेब तुकाराम कोल्हे, कृत्रिम रेतन तंत्रज्ञ, बायफ, सोनेवाडी, ता. कोपरगाव  (जि. नगर)
  • द्वितीय पुरस्कार - डॉ. अनिल विठ्ठलराव इंगोले, पशुधन विकास अधिकारी, सासवड (जि. पुणे) 
  • राष्ट्रीय गोकूळ मिशनची उत्कृष्ट अंमलबजावणी : प्रथम पुरस्कार : महाराष्ट्र
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Crop Damage : अवकाळी पावसामुळे एक हजार हेक्टरवर नासधूस

    Onion Market : ‘एनसीसीएफ’द्वारे उद्यापासून सुरू होणार कांदा खरेदी

    Agriculture Drone : ‘वनामकृवि’मध्ये कृषी ड्रोन तंत्रज्ञान प्रमाणपत्र अभ्यासक्रम

    Cotton Cultivation : आठ राज्यांत अतिसघन कापूस लागवड प्रकल्प

    Cotton Market : परभणी, हिंगोलीत कापसाची १२.७० लाख क्विंटल खरेदी

    SCROLL FOR NEXT