जळगाव  ः जिल्ह्यात नव्या म्हणजेच २०२०-२१ च्या खरिपासाठी रासायनिक खतांचा पुरवठा सुरळीत आहे. पुरवठादार कंपन्यांची गोदामे व इतर भागात साठवणूक बऱ्यापैकी झाली आहे. नव्या हंगामात अडचण येणार नाही, असा दावा कृषी विभागातील सूत्रांनी केला. 

जिल्ह्यात खरिपासाठी तीन लाख २० हजार मेट्रिक विविध रासायनिक खतांचा कंपन्यांतर्फे पुरवठा होणार आहे. यातील ९५ ते ९८ टक्के खतांचा पुरवठा रेल्वे रॅकच्या माध्यमातून होईल. रेल्वेची मालवाहतूक व्यवस्था सुरू असल्याने हा खतपुरवठा बऱ्यापैकी झाला आहे. मागील महिन्याच्या सुरवातीलाच युरियाचे दोन रॅक दाखल झाले.

याद्वारे सुमारे १२ हजार मेट्रिक टनांपेक्षा अधिक युरिया दाखल झाला आहे. तर, संयुक्त खतांचे रॅकही दाखल झाले असून, पुढील आठवड्यात हा पुरवठा आणखी गतीने होणार आहे. युरियाची अधिकची गरज जिल्ह्यात असते. यामुळे युरियाचा पुरवठा पुरेसा करून घेण्यासंबंधी संबंधित पुरवठादारांना सूचना दिल्याचे सांगण्यात आले. जिल्ह्यात सोमवारपर्यंत (ता.४) नव्या हंगामासंबंधी सुपर फॉस्फेट, पोटॅश, डीएपीचा मिळून २८ हजार मेट्रिक टनांवर पुरवठा झाल्याचे सांगण्यात आले.  जिल्ह्यास मंजूर खतपुरवठा (पुरवठा मेट्रिक टनांमध्ये)