अमरावती  ः शेतकरी, कष्टकऱ्यांचे प्रश्‍न सोडविता यावे याकरिता आमदार नाही तर कामदार कार्यालयाची अभिनव संकल्पना स्वाभिमानी शेतकरी संघटनेचे मोर्शी मतदारसंघाचे आमदार देवेंद्र भुयार यांनी मांडली आहे. त्यांच्या या कामदार कार्यालयाचे उद्‌घाटन शेतकरी पंजाब गाडवे यांच्या हस्ते करण्यात आले. आमदार देवेंद्र भुयार यांच्या संकल्पनेनुसार मोर्शी येथे कामदार कार्यालयाचे उद्घाटन शेतकरी पंजाब गाडवे यांच्या हस्ते करण्यात आले. या वेळी मधुकर लेकुरवाडे, मोहन मडघे, विनोद ढवळे, क्रांती चौधरी, सागर ठाकरे, विनोद ढवळे, नाना देशमुख, अतुल उमाळे, विपुल हिवसे, राजेश ठाकरे यांच्यासह इतरांची उपस्थिती होती.   

सर्वसामान्यांची अनेक प्रश्‍ने आहेत. ती सोडविता यावी, याकरिता शेतकरी व कष्टकऱ्यांचे कामदार कार्यालय असावे, असा विचार मनात आला. हा विचार कृतीत आणला आहे. सर्वसामान्यांचे प्रश्‍न या ठिकाणावरून सोडविण्याला प्राधान्य दिले जाणार आहे.’ - देवेंद्र भुयार, आमदार, मोर्शी मतदारसंघ