कळमनुरी : प्रधानमंत्री शेतकरी सन्मान योजनेंतर्गत लाभार्थींना अनुदान द्यावे, या मागणीसाठी बुधवारी (ता. १८) तालुक्‍यातील पेठवडगाव, धारधावंडा येथील शेतकऱ्यांनी तहसील कार्यालयासमोर धरणे आंदोलन केले.

पेठवडगाव येथील उपसरपंच बी. एम. देवकर, यांच्यासह शिवसेनेचे पोतरा सर्कल प्रमुख सोमनाथ रणखांब, सोमनाथ महाजन, कैलास रणखांब, कचरू शेळके, राजू भोसीकर, सखूबाई वाळके, भागूबाई मुकाडे, जिजाबाई पिंपरे, पुजाजी ढाकरे, शिवाजी शेळके, आप्पाराव शेळके, अंबादास लाखाडे, जालिंदर रणखांब, चिमाजी पिंपरे, कैलास आवटे, प्रेमराव निर्मले, शिवाजी जोगदंड, बाजीराव पिंपरे, राजकुमार सोनुने, शिवराज शेळके, प्रकाश डुकरे, काळुराम मुकाडे, नामदेव शेळके, ज्‍योतीराम शेळके, केरबा लाखाडे, भीमराव आवटे, बळिराम शेळके, काशीनाथ भिवणकर, केरबा डुकरे, बाळू शेळके, संदीप सोनुने आदींनी आंदोलनात सहभाग घेतला. 

पेठवडगाव, धारधावंडा येथील पात्र तीनशे पैकी साठ लाभार्थींनाच  योजनेचा लाभ मिळाला आहे. उर्वरित लाभार्थींनी या बाबत वारंवार पाठपुरावा करूनही योजनेचा लाभ मिळाला नाही. या शेतकऱ्यांना त्‍वरित अनुदान द्यावे, या मागणीसाठी बुधवारी धरणे  आंदोलन करून तहसीलदार कैलासचंद्र वाघमारे यांना मागण्यांचे निवेदन देण्यात आले. 

या वेळी वाघमारे यांनी आंदोलनकर्त्यांना सात दिवसांत उर्वरित लाभार्थींचे अनुदान खात्‍यावर जमा होईल, असे आश्वासन दिल्यानंतर हे आंदोलन मागे घेण्यात आले.