पुणे : मॉन्सूनचा आस असलेला कमी दाबाचा पट्टा दक्षिणेकडे सरकल्याने राज्यात पावसाला सुरवात झाली. बंगालच्या उपसागरातील चक्राकार वाऱ्याच्या स्थितीमुळे आज (ता. २) या भागात कमी दाबाचे क्षेत्र तयार होण्यासे संकेत आहेत. ही स्थिती पूरक ठरल्याने राज्यात अनेक ठिकाणी पावसाचा अंदाज आहे. कोकण, मध्य महाराष्ट्र, विदर्भात तुरळक ठिकाणी जोरदार पावसाचा इशारा आहे. तर मराठवाड्यातही हलक्या ते मध्यम पावसाची शक्यता आहे.