जळगाव : येथील केळी संशोधन केंद्राने उष्णता आणि वेगाने वहाणाऱ्या वाऱ्यामध्ये तग धरणारा बुटक्‍या प्रकारचा बीआरएस २०१३ हा केळीचा वाण विकसित केला आहे. याची उंची बसराई जातीच्या केळी वाणापेक्षा कमी आहे. या वाणाच्या धुळे, राहुरी आणि पुणे येथील संशोधन केंद्रांवर चाचण्या सुरू आहेत.

महात्मा फुले कृषी विद्यापीठांतर्गत कार्यरत येथील केळी संशोधन केंद्रातील तज्ज्ञांच्या चार वर्षांच्या संशोधनातून बीआरएस २०१३ हा वाण विकसित झाला आहे. इतर संस्थांनी या वाणाचे अनुकरण करून (कॉपी) त्यावर हक्क सांगायला नको यासाठी या वाणाची डीएनए तपासणी आणि फिंगरप्रींट ही प्रक्रिया केळी संशोधन केंद्राने सुरू केली आहे. राहुरी, पुणे आणि धुळे येथील कृषी संशोधन केंद्रांकडून चाचण्यांचे निष्कर्ष प्राप्त झाल्यानंतर हा वाण पुढील वर्षी प्रसारित होण्याची शक्यता आहे.

प्रक्षेत्रावरील चाचण्यांचे निष्कर्ष चांगले जळगाव जिल्ह्यात उन्हाळ्यात अनेकदा ४७ अंश सेल्सिअसपर्यंत तापमान जाते. मार्च ते जून या काळात उष्ण वारे, तापमानामुळे केळीचे घड सटकणे, झाडे अर्ध्यातून मोडणे असे प्रकार होतात. काहीवेळा मे व जूनमध्ये येणाऱ्या वादळांमध्ये केळी बागा जमीनदोस्त होऊन मोठे नुकसान होत असते. या समस्या लक्षात घेऊन बीआरएस २०१३ हा नवा वाण विकसित केला आहे.

निमखेडी (जि. जळगाव) येथील केळी संशोधन केंद्राच्या प्रक्षेत्रावर या वाणाच्या चाचण्या घेण्यात आल्या. या चाचण्यांमधून चांगले निष्कर्ष प्राप्त झाले असून, हा वाण अधिक तापमान व वेगाच्या वाऱ्यात तग धरणारा असल्याचे सिद्ध झाल्याचे केळी संशोधन केंद्राचे प्रमुख प्रा. नाझीमोद्दीन शेख यांनी सांगितले.

अशी आहेत वैशिष्ट्ये