भोपाळ : नवरात्रोत्सवात मध्य प्रदेशात मुलींना अच्छे दिन आले आहेत. या राज्यात नागरिकांची मानसिकता बदलत असून, मुलांपेक्षा मुली दत्तक घेण्यास दांपत्ये प्राधान्य देऊ लागल्याचे आकडेवारीवरून स्पष्ट झाले आहे. अनाथ आश्रम किंवा बालगृहांमधून मुलींना मागणी वाढल्याची माहिती अधिकाऱ्यांनी दिली. बालकांना दत्तक देण्याची जबाबदारी केंद्र सरकारच्या दत्तक ग्रहण संसाधन प्राधिकरणाद्वारे पार पाडली जाते. या संस्थेने देशभराची गेल्या तीन वर्षांतील आकडेवारी नुकतीच प्रसिद्ध केली असून, या काळात ९,८६० बालकांना दत्तक देण्यात आले. त्यात ५,७८७ मुली आणि ४,०७३ मुलगे आहेत. याच काळात मध्य प्रदेशात ५५० बालकांना दत्तक देण्यात आले. त्यात ३२० मुली आणि २३० मुलगे होते, असे ही आकडेवारी सांगते. टक्‍क्‍यांच्या भाषेत सांगावयाचे झाल्यास, मुलींची टक्केवारी ५९ तर मुलांची ४१ आहे. बालकांना दत्तक घेण्यात महाराष्ट्र राज्य देशात अव्वल असून, त्यातही मुली दत्तक घेण्याचे प्रमाण सर्वाधिक आहे. पाठोपाठ कर्नाटक, तिसऱ्या क्रमांकावर ओडिशा आणि मध्य प्रदेश चौथ्या क्रमांकावर असल्याचेही या आकडेवारीत नमूद करण्यात आले आहे. बालक दत्तक देण्यापूर्वी संबंधित कुटुंबाची बारीक चौकशी केली जाते. या कुटुंबाच्या आर्थिक स्थितीकडे जास्त लक्ष दिले जाते. बालकांना दत्तक घेणाऱ्यांत सुशिक्षित आणि इतर आर्थिक स्थितीतील दांपत्ये जास्त आहेत. देशभरात दत्तक गेलेली बालके भारत (२०१६-१९) 

मध्य प्रदेश (२०१८-१९)

बालकांना दत्तक घेण्याचे प्रमाण काहीसे कमी आहे. पण, आता लोकांची मानसिकता बदलली असून, मुली दत्तक घेण्यास दांपत्ये प्राधान्य देऊ लागली आहेत ही समाधानाची बाब आहे. - अनुपम राजन, मुख्य सचिव,  महिला आणि बाल विकास विभाग, मध्य प्रदेश