औरंगाबाद : मोसंबीच्या आंबे बहारावर फळगळीचे संकट घोंगावते आहे. ५ ते १० टक्‍क्‍यांपर्यंत असलेली ही फळगळ काही बागांमध्ये १५ टक्‍क्‍यांपर्यंत असल्याची माहिती शेतकऱ्यांनी दिली.  मराठवाड्यातील औरंगाबाद, जालना व बीड जिल्ह्यात मोसंबीचे क्षेत्र ४६ हजार ५२२ हेक्‍टरवर विस्तारले आहे. त्यामध्ये सर्वाधिक २२ हजार ५३२ हेक्‍टर जालना जिल्ह्यात. त्यापाठोपाठ २२ हजार ४२ हेक्‍टर औरंगाबाद जिल्ह्यात, तर १९४७ हेक्‍टर बीड जिल्ह्यातील क्षेत्राचा समावेश आहे. मोसंबीचा आंबे बहार घेणाऱ्या शेतकऱ्यांच्या मोसंबीत तूर्त फळगळ मोठ्या प्रमाणात वाढली आहे. बुरशीजन्य रोगांचा प्रादुर्भाव व अन्न घटकांच्या कमतरतेमुळे ही फळगळ होत असल्याची माहिती हिमायतबाग फळ संशोधन केंद्राचे प्रमुख डॉ. एम. बी. पाटील यांनी दिली.  टीप ः लिंबूवर्गीय पिकातील फळगळ उपाय संदर्भात ॲग्रोवनमध्ये १४ आॅगस्ट रोजी सविस्तर लेख प्रसिद्ध झाला आहे. शेतकऱ्यांनी त्यानुसार नियोजन करावे.