पुरस्थिती
पुरस्थिती  
मुख्य बातम्या

सातपुड्यातील नद्यांना पूर

टीम अॅग्रोवन

जळगाव ः खानदेशात सातपुडा पर्वतातील सर्वच नद्यांना मागील दोन दिवसांतील पावसामुळे पूर आला आहे. नंदुरबार जिल्ह्यात सुसरी नदीच्या महापुरामुळे शहादा तालुक्‍यातील सुमारे २५ गावांना जोडणारे दोन पूल पाण्याखाली गेले आहेत. तर, तळोद्यात खर्डी नदीच्या महापुरामुळे शहरातील ४० टक्के भाग जलमय झाला आहे. शहादा-नंदुरबार यादरम्यानचा गोमाई नदीवरील प्रकाशानजीकचा पूलही पाण्याखाली गेल्याने शहादा-नंदुरबार यादरम्यानची वाहतूक शुक्रवारी (ता. ९) सकाळी सव्वानऊपर्यंत बंद होती. गोमाई नदीवरील ब्राह्मणपुरी रस्त्यानजीकचा मध्यम प्रकल्प रात्रीतून १०० टक्के भरला असून, त्याचे चार दरवाजे पूर्ण उघडण्यात आले आहेत. गोमाई नदीवरील शहादा-तिखोरा यादरम्यानचा पूल व शहादा-पिंगणे रस्त्यावरील पूल पाण्याखाली गेले आहेत. तापी नदीला प्रचंड पूर आल्याने गोमाई व सुसरी नदीच्या पाण्याचा निचरा होत नसल्याची स्थिती आहे. प्रकाशाजवळील तापी नदीवरील प्रकाशा बॅरेजचे सर्व २७ दरवाजे पूर्ण उघडले आहेत. तरीही, पाण्याचा निचरा हव्या त्या गतीने होत नसल्याने शहादा शहरातील २० टक्के भाग जलमय झाला आहे. नवापुरातील रंगावली नदीला दुसऱ्यांदा महापूर आला. गुरुवारी (ता. ८) मध्यरात्री नदीने धोक्‍याची पातळी ओलांडली. सातपुडा पर्वतातून शहादा, तळोदाकडे येणाऱ्या कन्हेरी व इतर नद्यांनाही पूर आला आहे. धुळे जिल्ह्यात पांझरा नदीलाही मोठा पूर आला असून अमळनेर, धुळे तालुक्‍यांत सतर्कतेचा इशारा देण्यात आला आहे. धुळ्यातील शिरपूर तालुक्‍यातील अनेर नदीलाही पूर आला असून, अनेर धरणाचे १० दरवाजे उघडण्यात आले आहेत. चोपडा, शिरपुरातील २५ गावांना सतर्कतेचा इशारा देण्यात आला आहे. जळगाव जिल्ह्यात सातपुडा पर्वतातून येणाऱ्या रावेरातील सुकी, भोकरी नद्यांना पूर आला आहे. तर, यावलमधील मोर नदीलाही तीन वर्षांनंतर प्रथमच पूर आला. सातपुड्यातून येणाऱ्या इतर नाल्यांनाही प्रथमच पूर आला आहे. मध्य प्रदेशातील बैतुल येथे उगम क्षेत्र असलेल्या तापी नदीला मागील १५ दिवसांपासून पूरस्थिती कायम आहे. तापी नदीकाठच्या गावांना जळगाव, धुळे व नंदुरबार प्रशासनाने सतर्कतेचा इशारा दिला आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Karnataka Drought farmers : कर्नाटकातील शेतकऱ्यांना लवकरच दिलासा; दोन-तीन दिवसांत मिळणार दुष्काळाचे पैसे 

Monsoon 2024 : सलग अकरा महीने उष्णतेची| तीन नवीन ट्रॅक्टर बाजारात दाखल| राज्यात काय घडलं?

Jambhul Season : जांभळाचा हंगाम लांबल्याने जांभूळ पिकाला फटका

Crop Loan : पीक वाटपात विदर्भ आणि मराठवाड्याशी दुजाभाव का?

Land Survey : कोल्हापुरातील सहा तालुक्यांत जमिनींची ‘ई-मोजणी’ सुरू

SCROLL FOR NEXT