'Farmers' Honor Funding' has not been received
'Farmers' Honor Funding' has not been received 
मुख्य बातम्या

सातारा : ‘शेतकरी सन्मान’चा निधी मिळालाच नाही

टीम अॅग्रोवन

सातारा ः पंतप्रधान शेतकरी सन्मान योजनेच्या लाभासाठी जिल्ह्यातील चार लाख ५८ हजार ५२७ शेतकरी पात्र ठरले आहेत. मात्र, त्यातील अनेक शेतकऱ्यांच्या आधार कार्ड, बॅंकेचा आयएफएससी कोड, खाते क्रमांकाच्या त्रुटींमुळे लाभार्थ्यांपर्यंत अनुदान पोचले नाही. प्रशासकीय स्तरावर या त्रुटींच्या दुरुस्तीचे काम युद्धपातळीवर सुरू असले तरी ऑनलाइन प्रक्रियेमुळे काही शेतकऱ्यांना अनुदान कशात अडकले याचीच कल्पना नसल्याने वादावादीचे प्रसंग घडत आहेत. 

केंद्र शासनाने फेब्रुवारीत सादर केलेल्या अर्थसंकल्पात पंतप्रधान शेतकरी सन्मान योजना जाहीर केली. पाच एकरांच्या आतील शेतकऱ्यांना बी-बियाणे, खते आदी खरेदी करण्याच्या हेतूने अर्थसाहाय्य व्हावे, यासाठी तीन टप्प्यांत प्रत्येकी दोन हजारप्रमाणे सहा हजार रुपये आर्थिक साह्य केले जाते.

फेब्रुवारीपासून या योजनेसाठी महसूल, कृषी आणि ग्रामविकास विभागाने सातारा जिल्ह्यातील पाच एकरांच्या आतील शेतकऱ्यांचा समावेश करण्यासाठी माहिती भरून घेतली. जिल्ह्यातील या योजनेचे चार लाख ५८ हजार ५२७ पात्र शेतकरी आहेत. शेतकऱ्यांचे आधार कार्ड क्रमांक, बॅंकेचा आयएफएससी कोड, मोबाईल क्रमांक आदी माहिती घेण्यात आली. सरकारी नोकर, सरकारी पेन्शनधारक तसेच आयकर भरणाऱ्यांना या योजनेपासून वंचित राहावे लागले.

काही पात्र लाभार्थ्यांना दोन हजारांचे किमान दोन हप्ते मिळाले आहेत. मात्र, अद्याप काहींना पहिलाही हप्ता मिळालेला नाही. काहींना दुसरा हप्ता मिळाला नाही. ऑनलाइन प्रक्रियेमुळे नेमके अनुदान कशात अडकले हे शेतकऱ्यांना समजत नाही. ऑनलाइन माहिती भरताना काहींचा आधार कार्ड, बॅंकेचा आएफएससी कोड, खाते क्रमांक चुकीचा नोंद झाला. त्यामुळे अनुदान अडकले आहे. प्रशासकीय पातळीवर त्रुटींची पूर्तता सुरू आहे. त्यासाठी शेतकऱ्यांकडून येईल, त्यानुसार त्यांचे रेकॉर्ड तपासले जात आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Disaster Relief Fund : रायगडमध्ये आपत्ती बचावासाठी हजार कोटी

Water Issue : शेतीसाठी ‘धनपूर’ धरणाच्या पाण्याची प्रतीक्षा

Orchard Planting : एक हजार हेक्टरवर सांगलीत फळबाग लागवड

Onion Market : कांदा उत्पादकांच्या डोळ्यात पुन्हा धुळफेक; सरकारने दिलेली ९९,१५० टन निर्यातीला परवानगी जुनीच

Fertilizer Demand : चोपडा तालुक्याला २७ हजार टन खतांची गरज

SCROLL FOR NEXT