पांगरी ः ‘‘सोयाबीन पिकात स्पोडोप्टेरा किडीसाठी हेक्टरी पाच कामगंध सापळे लावावे. शेतात इंग्रजी ‘टी’ अक्षरासारखे पक्षी थांबे लावावे’’, असा सल्ला कृषी पर्यवेक्षक विलास मिस्कीन यांनी शेतकऱ्यांना दिला. 

पांढरी (ता. बार्शी) येथे महाराष्ट्र शासनाच्या कृषी विभागातर्फे ‘क्रॉपसॅप’संलग्न शेतकऱ्यांची सोयाबीन पिकाची शेतीशाळा आयोजित करण्यात आली. या शेतीशाळेत मिस्कीन यांनी मार्गदर्शन केले. त्यांनी सोयाबीन पिकावरील कीड, रोग, त्यांच्यामुळे होणारे नुकसान व त्यावरील जैविक व रासायनिक उपायांबाबत माहिती दिली. 

या शेती शाळेसाठी पोलीस पाटील एस. डी. घावटे, रवी घावटे, अच्युत घावटे, विष्णु घावटे, गणेश घावटे, कल्याण घावटे, प्रशांत घावटे, विष्णू तांबे, रणजीत घावटे, मधुकर घावटे, शिवाजी घावटे व बहुसंख्य शेतकरी उपस्थित होते.

कृषी सहाय्यक मदन तांबारे यांनीया शेतीशाळेसाठी परिश्रम घेतले. तांबारे यांनी उपस्थितांचे आभार मानले.