अकोला ः ‘कोरोना’ विषाणूच्या प्रादुर्भावाच्या पार्श्वभूमीवर किसान क्रेडीट कार्ड या योजनेद्वारे पीककर्ज घेतलेल्या शेतकऱ्यांना पीककर्जाचे खाते व्यवहार पूर्ण करण्यास ३१ मे पर्यंत मुदतवाढ देण्यात आली आहे, अशी माहिती जिल्हा अग्रणी बॅंकेचे व्यवस्थापक आलोक तारानिया यांनी दिली आहे.

पीककर्ज भरण्यास मुदतवाढ देण्याबाबत शेतकऱ्यांमधून मागणी केली जात होती. या अनुषंगाने केंद्रीय कृषी मंत्रालयाकडून निर्देश प्राप्त झाले आहेत. त्यानुसार पीककर्ज परतफेड तसेच व्याजाच्या वसुलीसही ३१ मे पर्यंत मुदतवाढ देण्यात आली आहे, अशी माहिती श्री. तारानिया यांनी दिली.