औरंगाबाद : मराठवाड्यात कमी-अधिक प्रमाणात पाऊस सुरूच आहे. मंगळवारी (ता. ३०) सकाळपर्यंतच्या चोवीस तासांत औरंगाबाद, जालना जिल्ह्यात दमदार पाऊस झाला; तर, जालना, बीड, उस्मानाबाद, हिंगोली या चार जिल्ह्यांतील आठ मंडळात अतिवृष्टी झाली. जोरदार झालेल्या पावसामुळे काही ठिकाणी जमीन पाण्याखाली गेली, तर काही ठिकाणी पिके खरडून गेली. 

जालना जिल्ह्यातील ४६ मंडळांत पावसाची हजेरी लागली. बहुतांश मंडळात दमदार पाऊस झाला, तर जालना शहर, अंबड, धनगर पिंपरी, जामखेड, रोहिलागड या पाच मंडळांत अतिवृष्टी झाली. लातूर जिल्ह्यातील २७ मंडळांत हलका पाऊस झाला. बहुतांश मंडळांकडे पावसाची पाठ राहिली.

उस्मानाबाद जिल्ह्यातील २८ मंडळांत पाऊस झाला. पारगाव मंडळात अतिवृष्टी झाली. नांदेड जिल्ह्यातील २९ मंडळांत, परभणी जिल्ह्यातील १९ मंडळांत, औरंगाबाद जिल्ह्यातील ६५ मंडळांत, तर बीड जिल्ह्यातील ४९ मंडळांत तुरळक हलका ते मध्यम पाऊस झाला. नांदुर घाट मंडळांत अतिवृष्टी झाली. हिंगोली जिल्ह्यातील २७ मंडळांत पाऊस झाला. हिंगोली मंडळात अतिवृष्टी झाली.  .  जालना जिल्हा ः तळणी २६.७५, मंठा ३०.२५, रांजणी ४८.७५, अंतरवली ५०, घनसावंगी २९, बावने २५, शेळगाव २२.७५, परतूर ४८.५०, सुखापुरी ५९.५०, वडीगोद्री३९.५०, गोंदी ३९.५०, पाचनवडगाव ४१, रामनगर २१.७५,वागृळ ६२.२५, टेंभुर्णी २९, माहोरा ३०.५०, जाफराबाद ४०.५०, राजुर २८.५०.

औरंगाबाद जिल्हा ः  औरंगाबाद ३९.५०, उस्मानपुरा ३७.५०, भावसिंगपुरा ४२.२५, कांचनवाडी ३६.२५, चिकलठाणा ४३.५०, चित्ते पिंपळगाव ५२.७५, करमाड ३५, हरसुल २४, चौका २२ , आडूळ ६४.७५, पिंपळवाडी २९.२५, बालानगर ४३.५० , नांदर ३७, पैठण २८.२५, पाचोड ४५, विहामांडवा ३४.५०, वाळुज ४२.२५, सिद्धनाथ २४.५०, वैजापूर ४७.५०, खंडाळा ३५.७५, शिऊर २६.५०, बोरसर ५८.५०, लोणी २८.५० , लासुरगाव २९.२५,महालगाव२९.२५, लाडगाव ४०.५०, वेरूळ २८, सुलतानपूर २९.२५, बाजार ४६.५०, सोयगाव २५.५० सावळदबारा २७.२५. 

बीड जिल्हा ः अमळनेर २०, आष्टी २०, कडा २४.५०, दौलावडगाव २०.५०, पिंपळा ४९.५०, अंबाजोगाई २७.७५, लोखंडी ४१.२५, केज ३७.५०,युसुफ वडगाव ३८.७५, हनुमंत ४७, होळ ३९.५०  अतिवृष्टीची मंडळे  (पाऊस मि.मी)