नगर  : राष्ट्रीय अन्नसुरक्षा अभियान कडधान्य, राष्ट्रीय अन्नसुरक्षा अभियान भरडधान्य आणि राष्ट्रीय अन्नसुरक्षा अभियान गळीतधान्य व तेलताड योजनेअंतर्गत यंदा जिल्ह्यात ४६२० हेक्‍टर क्षेत्रावर पीक प्रात्यक्षिक कार्यक्रम राबवला जात आहे. या कार्यक्रमावर सुमारे तीन कोटी ३१ लाख रुपयांचा खर्च होणार आहे.

राज्यात २००७-०८ पासून केंद्र पुरस्कृत राष्ट्रीय अन्नसुरक्षा अभियान राबवण्यात येत आहे. अकराव्या पंचवार्षिक योजनेतील अभियानाचा आढावा घेऊन बाराव्या पंचवार्षिक योजनेत या अभियानाअंर्तगत भात, गहू, कडधान्य व भरडधान्य पीकांचा समावेश करण्यात आला आहे. शासनाने यंदाचे व पुढील वर्ष हे पौष्टिक तृणधान्ये (न्यूट्री सिरियल) वर्ष म्हणून जाहीर केले आहे.

त्यानुसार यंदा जिल्ह्यात पिक प्रात्यक्षिक राबवण्यात येत आहे. तूर, मूग, उडीद, बाजरी, मका, भात, सोयाबीनच्या सलग क्षेत्रासाठी हेक्‍टरी नऊ हजार, पीक प्रात्यक्षिक आधारित क्षेत्रासाठी १५ हजार रुपयांचे अनुदान दिले जाणार असल्याची माहिती कृषी विभागातून देण्यात आली. प्रात्यक्षिक हेक्‍टर व कंसात रक्कम : राष्ट्रीय अन्नसुरक्षा अभियान ः कडधान्य

राष्ट्रीय अन्नसुरक्षा अभियान ः भरडधान्य

राष्ट्रीय अन्नसुरक्षा अभियान ः गळीतधान्य व तेलताड

राष्ट्रीय कृषी विकास योजना