Amendment records pending on Satbara in Jalgaon district
Amendment records pending on Satbara in Jalgaon district 
मुख्य बातम्या

जळगाव जिल्ह्यात सातबारावरील फेरफार नोंदी प्रलंबित

टीम अॅग्रोवन

जळगाव : जिल्ह्यात सातबारा उताऱ्यावरील अनेक नोंदी मंडळ अधिकारी, तलाठी यांच्या अंगकाढूपणामुळे प्रलंबित आहेत. जळगाव तालुक्यात एकट्या पिंप्राळा महसूल मंडळात तब्बल ७०० नोंदी प्रलंबित आहेत. त्यामुळे शेतकऱ्यांना या नोंदी किंवा फेरफार मंजूर करवून घेण्यासाठी मंडळ अधिकारी कार्यालयात खेटे घालावे लागत आहेत. 

शेतकरी तहसील कार्यालयात जातात, पण मंडळ अधिकारी भेटत नाहीत. ते कार्यालयात नसतात. असे प्रकार सर्वत्र आहेत. शेतकरी यामुळे मेटाकुटीस आले आहेत. पालकमंत्र्यांकडे तक्रार करण्यात आल्याची माहिती आहे.

मध्यंतरी जळगाव येथील तहसीलदारांनी मंडळ अधिकारी, तलाठी यांच्यासोबत ऑनलाइन बैठक घेतली. त्यातही प्रलंबित फेरफार, नोंदी निकाली काढण्यासंबंधी सूचना दिल्या होत्या. अधिकाधिक दिवस काम करा, अधिकाधिक वेळ देऊन नोंदी निकाली काढा, शेतकऱ्यांच्या तक्रारी यायला नको, अशा सूचना दिल्या होत्या. परंतु त्याची दखल मंडळ अधिकाऱ्यांनी न घेता दुर्लक्ष केले. 

हेलपाटे मारूनही काम होईना

 अनेक गावांमधील शासकीय जमिनीच्या अधीग्रहणासंबंधीदेखील नोंदी प्रलंबित असल्याची माहिती मिळाली. यामुळे शेतकऱ्यांना तालुक्याच्या ठिकाणी जावे लागते. तलाठ्यांनी आपले कर्तव्य केले, पण पुढे मंडळ अधिकाऱ्याकडे या नोंदी निकाली काढण्यासाठी वेळ, भाडे खर्च करावे लागत आहे. तहसील कार्यालयात दोन ते तीन तास थांबूनही काम होत नसल्याने शेतकऱ्यांमध्ये नाराजी वाढली आहे.

असाच प्रकार जामनेर, भुसावळ, चोपडा, यावल येथेही सुरू असल्याचे शेतकऱ्यांनी सांगितले. तलाठी व मंडळ अधिकाऱ्यांमध्ये काही भागात समन्वय नाही, असाही मुद्दा आहे. याबाबत जिल्हाधिकारी यांनाही जळगाव तालुक्यातील शेतकरी निवेदन सादर करणार असल्याचे सांगण्यात आले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Leopard Attack : राधानगरीत बिबट्याचा हल्ल्यात गाय ठार, धनगरवाड्यात भितीचे वातावरण

Pulses Market : महाडला देशी कडधान्ये तेजीत

Water Issue : योजना सुरू, पण लाभ क्षेत्रातील तलाव कोरडे

Agrowon Podcast : मक्याला काय भाव मिळतोय? कापूस, सोयाबीन, गहू, टोमॅटो यांचे दर काय आहेत?

Sugar Quota : मे महिन्यात साखरेचा कोटा वाढला, घाऊक बाजारात मंदीची लाट

SCROLL FOR NEXT