एरंडेश्वर, जि. परभणी : ‘हमें मन की बात करनेवाली नहीं, दिलसे काम करनेवाली सरकार चाहिए’, अशा शब्दात येथील शेतकऱ्यांनी काँग्रेसचे उपाध्यक्ष राहुल गांधी यांच्याशी थेट संवाद साधून अपेक्षा व्यक्त केल्या.

एरंडेश्वर येथे शेतकऱ्यांशी संवाद साधण्यासाठी आयोजित कार्यक्रमात शुक्रवारी (ता. ८) एक वयोवृद्ध शेतकरी बाळासाहेब काळे यांनी गर्दीतून प्रश्न विचारला...

अन्‌... दुसऱ्याच क्षणी कठड्यावरून अचानक उडी मारून, सुरक्षाकडे तोडत राहुल गांधी त्यांच्या जवळ पोचले...

रात्रीच्या पावसामुळे चिखल झालेला असताना सुद्धा राहुल यांनी जमिनीवर बैठक मारली... आत्महत्याग्रस्त तेरा शेतकरी कुटुंबीयांशी आस्थेवाइकपणे संवाद साधला...

व्यंकटेश काळे यांनी ‘हमें मन की बात करनेवाली सरकार नहीं चाहिए दिलसे काम करनेवाली चाहिए असे त्यांना म्हणताच राहुल यांनी ऐसी सरकार कौन दे सकता है, असा सवाल केला.

त्या वेळी असंख्य शेतकऱ्यांनी काँग्रेस असे उत्तर दिले. या वेळी राहुल यांच्या डोळ्यांच्या कडा पाणावल्या. शेतकरी आत्महत्याच करणार नाहीत यासाठी काय करावे लागेल, असा सवाल करून राहुल यांनी शेतकऱ्यांचे मत जाणून घेतले.

या वेळी अहमद पटेल, कर्नाटकचे माजी मुख्यमंत्री मल्लिकार्जून खर्गे, प्रदेशाध्यक्ष खासदार अशोक चव्हाण, पतंगराव कदम, हर्षवर्धन पाटील, विरोधी पक्ष नेते राधाकृष्ण विखे पाटील, बाळासाहेब थोरात, माणिकराव ठाकरे, रजनीताई पाटील, नसीमखान, प्रकाश सामंत, खासदार राजीव सातव, सुरेश वरपुडकर, अण्णासाहेब काळे,

सरपंच दुर्गेश्वरी काळे, राजेश काळे, संयोजक व्यंकटेश काळे आदी उपस्थित होते. सूत्रसंचालन सुरेश वरपुडकर यांनी केले. व्यंकटेश काळे यांनी आभार मानले. प्रमुख उपस्थितात डॉ. संजय लोलगे, आण्णासाहेब काळे, राजेश काळे, गावाच्या सरपंच दुर्गेश्वरी काळे, अशोक साळवे, अब्दुल वहिदसेठ, किसन काळे यांचा समावेश होता.

अशोक चव्हाण यांनी प्रास्ताविक केले. या वेळी त्यांनी सरसकट कर्जमाफीची मागणी केली. राहुल आणि शेतकऱ्यांमधील संवाद