पुणे   ः थेट ग्राहकांना शेतीमाल उपलब्ध व्हावा तसेच शेतकऱ्यांना शेतीमालाचा योग्य मोबदला मिळावा या उद्देशाने गृहनिर्माण संस्थांमध्ये शेतीमाल विक्री करण्यास सरकारने मान्यता दिली आहे. अटल महापणन विकास अभियानाअंतर्गत गृहनिर्माण संस्थांना शेतीमाल विक्री दालन सुरू करता येणार आहे. या विक्री दालनाचे (कॉप-शॉप) शेतकरी गट, महिला बचत गट, शेतकरी कंपन्या कराराद्वारे संचलन करू शकणार आहेत. या निर्णयामुळे गृहनिर्माण संस्थांमधील सदस्यांना घरपाेच शेतीमाल रास्त दरात उपलब्ध हाेणार आहे.

शेतकरी ते ग्राहक थेट शेतमाल विक्री व्यवस्था बळकटीकरणासाठी सहकार, पणन विभागाच्या वतीने विविध उपाययाेजना केल्या जात आहेत. यासाठी गृहनिर्माण संस्थांमधून शेतीमाल विक्री करण्यास मान्यता देण्यात आली हाेती.

मात्र या व्यवस्थेमध्ये सातत्य राहत नसल्याने याेजनेचा हेतू सफल हाेत नव्हता. म्हणून आता गृहनिर्माण संस्थांना त्यांच्या आवारात १०० चाैरस फुटांचे विक्री दालन उभारण्यासाठी मान्यता देण्यात आली आहे. हे दालन शेतकरी गट, कंपनी, बचत गट, खरेदी विक्री संघ, विकास साेसायट्याद्वारे चालविण्यात येणार आहे. यासाठी संबंधित गृहनिर्माण संस्था आणि शेतमाल विक्री करणारी संस्था यांच्यात करार करावा लागणार आहे. तसेच माेबाईल शाॅपदेखील संबंधित संस्था चालवू शकणार आहे.

याेजनेची कार्यपद्धती