अकोला ः राज्याचे कृषिमंत्री दादा भुसे बुधवारी (ता. २७) सकाळी ८.३० वाजता अकोल्यात विभागीय जिल्हा खरीप हंगाम आढावा बैठक घेणार आहेत. व्हिडिओ कॉन्फरन्सद्वारे ते अकोल्यासह अमरावती, बुलडाणा, वाशीम आणि यवतमाळ जिल्ह्यांचा आढावा घेणार आहेत.

आढावा बैठक घेण्यासाठी श्री. भुसे मंगळवारी (ता. २६) सायंकाळी अकोल्यात मुक्कामी येत आहेत. अकोल्यातील बैठक घेतल्यानंतर ते सकाळी १० वाजता औरंगाबादकडे रवाना होणार आहेत. तेथे दुपारी ४.३० वाजता औरंगाबाद, जालना, बीड, हिंगोली, लातूर, नांदेड, उस्मानाबाद या जिल्ह्यांची विभागीय खरीप आढावा बैठक घेणार आहेत. या बैठकीत ते खते, बियाणे पुरवठा, गुणवत्ता नियंत्रण, प्रमुख पिकांचे विस्तार कार्य, पीककर्ज वितरण व वित्तपुरवठा कार्यवाही, पंतप्रधान पीकविमा योजना, पीएम किसान योजना आढावा घेणार आहेत.