आखाडा बाळापूर, जि. हिंगोली  ः पावसामुळे नुकसान झालेल्या शेतकऱ्यांना हेक्टरी ५० हजार रुपये अनुदान द्यावे, यासह इतर मागण्यांसाठी शिवसेनेतर्फे आखाडा बाळापूर येथे सोमवारी (ता. ४) एक तास रास्ता रोको आंदोलन करण्यात आले. 

येथील बस स्थानकासमोर करण्यात आलेल्या या आंदोलनावेळी शिवसेना सहसंपर्कप्रमुख राजेंद्र शिखरे, जिल्हा उपसंघटक सोपान बोंढारे, उपसभापती अजय सावंत, जिल्हा परिषदेचे माजी उपाध्यक्ष डी. के. दुर्गे, उपसरपंच विजय बोंढारे, राहुल पतंगे, दत्तराव माने, नथूजी तावडे, बालाजी बोंढारे, मोहनसिंह बायस, यशवंत पंडित, तुळशीराम वाघमारे, प्रभाकर गवारे, सचिन पेंढारकर, विजय गंगेवार, रूपेश व्यवहारे, शंकर सूर्यवंशी, शिवचरण गोयंका, बी. एम. देवकर, गजानन अवचार, भगवान पंडित, माधव बेनगर, प्रशांत देशमुख यांच्यासह शिवसेना पदाधिकारी व कार्यकर्ते उपस्थित होते. सुमारे एक तास चाललेल्‍या या आंदोलनामुळे नांदेड व हिंगोली मार्गावरील वाहतूक ठप्प झाली होती.