औरंगाबाद  : अत्यल्प दर मिळत असल्याने आम्ही दूध उत्पादक मोठ्या अडचणीत सापडलो आहोत. त्यामुळे आमच्या मागण्यांबाबत येत्या ३१ जुलैपर्यंत सकारात्मक सकारात्मक विचार करावा, अन्यथा दूध धंदा परवडत नसल्यामुळे आम्ही दूधपुरवठा बंद करू, असे निवेदन शेतकरी नेते धनंजय धोर्डे यांनी मुख्यमंत्र्यांना पाठविले आहे. चार महिन्यांपासून कोरोना संकटामुळे दुधाला अत्यल्प दर मिळतो आहे. केवळ १५ ते २३ रुपये प्रति लीटर मिळणाऱ्या या दरामुळे दूध उत्पादकांचा होणारा खर्चही भरून निघत नाही. त्यामुळे दूध उत्पादक शेतकरी मोठ्या अडचणीत सापडले आहेत. संकटात सापडलेल्या या दूध उत्पादकांना आधार देण्यासाठी चार प्रमुख मागण्या शेतकरी नेते धोर्डे यांनी मुख्यमंत्र्यांसमोर ठेवल्या आहेत. या मागण्यांचा सहानुभूतीपूर्वक विचार करून दूध उत्पादक शेतकऱ्यांना न्याय देण्याची मागणी केली आहे.    या आहेत मागण्या