नांदेड ः भाऊसाहेब फुंडकर फळबाग लागवड योजनेअंतर्गत नांदेड जिल्ह्यातील १६ तालुक्यांतील ५ हजार ३१६ शेतकऱ्यांनी ५ हजार ७४.३८ हेक्टरवर फळबाग लागवडीसाठी कृषी विभागाकडे सादर केले आहेत.

भाऊसाहेब फुंडकर फळबाग लागवड योजनेअंतर्गत आंबा, डाळिंब, पेरू, संत्रा, मोसंबी, चिकू, लिंबू, सीताफळ या फळपिकांची लागवड करता येणार आहे.

विहीत मुदतीत सोळा तालुक्यांतील ५ हजार ३१६ शेतकऱ्यांनी प्रस्ताव सादर केले आहेत. यामध्ये नांदेड तालुक्यातून २९२ प्रस्ताव, अर्धापूर तालुक्यातून ११३, कंधार तालुक्यातून ३८७, मुदखेड तालुक्यातून ७५, लोहा तालुक्यातून १ हजार १९९, देगलूर तालुक्यातून २५४, नायगाव तालुक्यातून ९८, मुखेड तालुक्यातून ५२३, बिलोली तालुक्यातून ८२, धर्माबाद तालुक्यातून ४१, किनवट तालुक्यातून ३२१, माहूर तालुक्यातून ३२४, भोकर तालुक्यातून ४८७, हदगाव तालुक्यातून ७२०, हिमायतनगर तालुक्यातून २१०, उमरी तालुक्यातून १९७ प्रस्ताव सादर करण्यात आले आहेत.