नांदेड : ‘‘जिल्ह्यात चालू आठवड्यामध्ये रब्बी हंगामातील पेरणीने गती घेतली आहे. गुरुवारी (ता. २१) पर्यंत ३९ हजार २३३ हेक्टरवर (२८.७० टक्के) पेरणी झाली आहे, अशी माहिती जिल्हा अधीक्षक कृषी अधिकारी रविशंकर चलवदे यांनी दिली.

जिल्ह्यात रब्बीचे सर्वसाधारण क्षेत्र १ लाख ३६ हजार ७१२ हेक्टर आहे. यामध्ये ज्वारीचे २६ हजार ९७५ हेक्टर, गव्हाचे ३८ हजार ५३८ हेक्टर, मक्याचे ३ हजार १७६ हेक्टर, हरभऱ्याचे ६२ हजार ३५९ हेक्टर, करडईचे ४ हजार ७६८ हेक्टर क्षेत्र आहे. ऑक्टोबर महिन्यात झालेल्या अवेळी पावसामुळे सोयाबीनच्या काढणीची कामे रखडली. जमिनीत पाणी साचून राहिल्याने पेरणीपूर्व मशागतीच्या कामांना उशीर झाला. पावसाने उघडीप दिल्यानंतर वाफश्‍यावर आलेल्या जमिनीवर पेरणीची लगबग सुरू आहे. 

शेतकरी रब्बी पिकांची वेळेवर पेरणी पूर्ण करण्यासाठी प्रयत्न करत आहेत. त्यामुळे या आठवड्यामध्ये पेरणीच्या कामांनी गती घेतली आहे. गुरुवारपर्यंत जिल्ह्यात ३९ हजार २३३ हेक्टरवर (२८.७० टक्के) क्षेत्रावर पेरणी झाली. यंदा विहिरी तसेच मोठे, मध्यम, लहान सर्वच प्रकल्पांमध्ये पुरेसा पाणीसाठा असून  हरभरा, गहू या पिकांच्या क्षेत्रात मोठी वाढ होण्याचा अंदाज आहे.

गुरुवार (ता. २१) पर्यंतची पीकनिहाय पेरणी (हेक्टरमध्ये)