औरंगाबाद : मराठवाड्यात सलग दुसऱ्या दिवशी पावसाचा जोर कमीच असल्याचे चित्र पाहायला मिळाले. आठही जिल्ह्यातील जवळपास १७२ मंडळांत गुरुवार (ता.१८) सकाळपर्यंतच्या चोवीस तासांत पावसाने तुरळक ते हलक्‍या स्वरूपाची हजेरी लावली.

नांदेड जिल्ह्यातील २८ मंडळांत, तर बीड २५, लातूर ४४, उस्मानाबाद २७, औरंगाबाद २४, जालना २०, परभणी ३, तर हिंगोली जिल्ह्यातील एका मंडळात गुरुवारी सकाळपर्यंतच्या चोवीस तासात तुरळक, हलका, तर काही ठिकाणी मध्यम पावसाची हजेरी लागली. 

नांदेड जिल्ह्यातील सगरोळी मंडळात १४ मिलिमीटर जहूर १६.७५, माळाकोळी १४.२५, बीड जिल्ह्यातील गेवराई मंडळात १६.२५, मादळमोही १३.३०, जातेगाव २२ ,पाचेगाव १७.२५, धोंडराई १४.५०, उमापूर १२.७५, सिरसदेवी २१, रेवडी २०, तलवाडा १७, लातूर जिल्ह्यातील हलगरा मंडळात १६. २५ मिलिमीटर, औरंगाबाद जिल्ह्यातील अजिंठा मंडळात १२.५०, लाडगाव ५८, वाळूज १७.७५, लोहगाव ११.७५, कांचनवाडी ३०.७५, जालना जिल्‍ह्यातील कुंभार पिंपळगांव ११.५०, अंतरवली ३६.२५, तर परभणी जिल्ह्यातील बनवस मंडळात २१.७५ मिलिमीटर पावसाची नोंद झाली.