केळी खोडापासून चांगल्या गुणवत्तेचे धागे तयार होतात. या धाग्याच्या विविध वस्तू तयार केल्या जातात. त्याचबरोबरीने आता कागदनिर्मितीही मोठ्या प्रमाणात होऊ लागली आहे. फिजी देशातील उद्योजक खोडापासून निघणाऱ्या धाग्यापासून कागद निर्मितीकडे वळले आहेत.

न्यूझीलंडमध्ये नुकतीच पॅसिफिक ट्रेड ही परिषद झाली. त्यामध्ये फिजीमधील उद्योजक सहभागी झाले होते. या ठिकाणी केळी धाग्यापासून तयार केलेल्या उत्पादनांना चांगली मागणी नोंदविण्यात आली. फिजीमधील उद्योजकांनी केळी धाग्यापासून वॅलेट, पर्स, कार्ड, लहान बॅग आणि स्टेशनरी साहित्यही तयार केले आहे. अलीकडे ग्राहकांचा कल पर्यावरणपूरक नैसर्गिक उत्पादनांकडे वळला आहे. त्याचा फायदा केळी धागे निर्मिती करणाऱ्या उद्योगांना मिळू लागला आहे.