टांझानियातील एका खासगी कंपनीने ‘अ’ जीवनसत्त्वांनी परिपूर्ण अशा रताळ्याच्या पिठापासून खास ब्रेडची निर्मिती केली आहे. त्यामुळे लहान मुलांमध्ये प्राधान्याने आढळणाऱ्या ‘अ’ जीवनसत्त्वाच्या कमतरतेवर मात करणे शक्य होणार आहे. टांझानिया, आशिया आणि सब सहारण आफ्रिकेतील अनेक देशांमधील मुलांमध्ये ‘अ’ जीवनसत्त्वाची कमतरता दिसून येत आहे. त्यावर मात करण्यासाठी टांझानियातील एका खासगी कंपनीने केशरी रंगाचा गर असलेल्या रताळ्यापासून ब्रेडची निर्मिती केली आहे. त्याविषयी माहिती एफ्को इन्व्हेस्टमेंट कं. लि.च्या कार्यकारी संचालिका फॉर्च्युनेटा एममारी यांनी सांगितले, की केशरी रंगाचा गर असलेल्या रताळ्यापासून आंतरराष्ट्रीय बटाटा संशोधन केंद्राच्या तांत्रिक सहकार्याने रताळ्याच्या पिठापासून हे उत्पादन तयार केले आहे. त्याचा फायदा सर्वसामान्यांना कमी खर्चात पोषक घटकांची उपलब्धतेसाठी होणार आहे