Hingoli News : हिंगोली कृषी उत्पन्न बाजार समिती अंतर्गत धान्य बाजारात (भुसार मार्केट) सोयाबीनचे दर गेल्या काही दिवसांपासून दबावातच आहेत. किमान व कमला दरात घसरण कायम आहे.

शनिवारी (ता. १५) सोयाबीनची २८० क्विंटल आवक होऊन प्रतिक्विंटल किमान ४५९५ ते कमाल ४८७० रुपये तर सरासरी ४७३२ रुपये दर मिळाले.

हिंगोली धान्य बाजारात मंगळवार (ता. ११) ते शनिवार (ता. १५) या कालावधीत सोयाबीनची १८६० क्विंटल आवक झाली.

सरासरी ४७३२ ते ४८७७ रुपये दर मिळाले. शुक्रवारी (ता. १४) सोयाबीनची ३०० क्विंटल आवक होऊन प्रतिक्विंटल किमान ४६०० ते कमाल ४९६० रुपये तर सरासरी ४८३० रुपये दर मिळाले. गुरुवारी (ता. १३) सोयाबीनची २५० क्विंटल आवक असताना प्रतिक्विंटल किमान ४८०० ते कमाल ४९५५ रुपये तर सरासरी ४८७७ रुपये दर मिळाले.

बुधवारी (ता. १२) सोयाबीनची २३० क्विंटल आवक होऊन प्रतिक्विंटल किमान ४७०० ते कमाल ४९५१ रुपये तर सरासरी ४८२० रुपये दर मिळाले. मंगळवारी (ता. ११) सोयाबीनची ८०० क्विंटल आवक असताना प्रतिक्विंटल किमान ४६९५ ते कमाल ४९६२ रुपये तर सरासरी ४८२८ रुपये दर मिळाले.