Market Bulletin:

हरभरा दरात सुधारणा

बाजारातील हरभरा आवक टिकून आहे. मात्र दुसरीकडे हरभरा दरात सुधारणा दिसून आली. हरभरा दर बहुतांशी बाजारात ५ हजारांच्या पुढे सरकले आहेत. आज बाजारात हरभरा ५ हजार १०० ते ५ हजार ४०० रुपयांच्या दरम्यान हरभरा विकला गेला. हरभऱ्याचे उत्पादन यंदाही सरासरीएवढेच असल्याचे व्यापारी सांगत आहेत. त्यामुळे बाजारातील आवक सुरू असली तरी दरात सुधारणा दिसून आली. सरकारच्या खरेदीचाही बाजाराला आधार मिळत आहे. हरभऱ्याची आवक पुढील महीनाभर चांगली राहील, असा अंदाज हरभरा बाजारातील अभ्यासकांनी व्यक्त केला.

गव्हाचा बाजार टिकून

गव्हाचे भाव मागील तीन आठवड्यांपासून टिकून आहेत. सरकारची गहू खरेदी सुरु झाल्यानंतर दरात काहीशी सुधारणा दिसून आली. सध्या बाजारात गव्हाची आवक चांगली आहे. मात्र दुसरीकडे गव्हाला उठावही चांगला आहे. त्यामुळे गव्हाचे भाव टिकून आहेत.  देशातील महत्वाच्या उपादक राज्यांमध्ये गहू सध्या २ हजार ४०० ते २ हजार ८०० रुपयांच्या दरम्यान विकला जात आहे. पुढील महीनाभर गव्हाची आवक चांगली राहील, असा अंदाज गहू बाजारातील अभ्यासकांनी व्यक्त केला. 

तुरीचे भाव दबावातच

देशातील बाजारात तुरीचा भाव दबावातच आहे. बाजारातील आवक चांगली सुरु आहे. त्याचा दबाव दरावर आला आहे. तरीही मागील काही दिवसांमध्ये तुरीच्या भावात काहीशी सुधारणा झाली. तुरीचा भाव बहुतांशी बाजारांमध्ये आता ७ हजारांच्या पुढे सरकला आहे. सध्या तुरीला सरासरी ७ हजार ते ७ हजार ४०० रुपयांच्या दरम्यान गुणवत्ता आणि वाणानुसार भाव मिळत आहे. बाजारातील आवक आणखी काही आठवडे कायम राहील. त्यामुळे तुरीचा बाजार काही आठवडे तरी हमीभावाच्या खाली राहू शकतो, असा अंदाज तूर बाजारातील अभ्यासकांनी व्यक्त केला.

सोयाबीनचे भाव टिकून

देशातील बाजारात सोयाबीनचे भाव दबावातच आहेत. बाजारातील सोयाबीनची आवक कमी झाली. सोयाबीनची आवक पुढील तीन आठवड्यानंतर आणखी कमी होण्याची शक्यता आहे. मात्र सरकारकडे सोयाबीनचा जवळपास १९ लाख टन स्टाॅक आहे. याचा बाजारावर परिणाम होणार आहे. सध्या बाजारात सोयाबीन ४ हजार ते ४ हजार ३०० रुपयांचा भाव मिळाला. सोयाबीनची बाजारातील आवक कमी झाल्यानंतर दरात काहीसे चढ उतार राहू शकतात. मात्र सरकारच्या विक्रीचा दबाव येऊ शकतो, असा अंदाज सोयाबीन बाजारातील अभ्यासकांनी व्यक्त केला.

कापूस दर टिकून

बाजारात कापसाची आवक कमी होत आहे. आवकेचा दबाव कमी झाल्यामुळे दरात सुधारणा दिसून आली. दुसरीकडे सीसीआयच्या विक्रीचाही आधार बाजाराला मिळत आहे. सध्या देशातील बाजारात कपसाला सरासरी ७ हजार १०० ते ७ हजार ७०० रुपयांच्या दरम्यान भाव मिळत आहे. कापसाची आवक पुढील दोन आठवड्यांत आणखी कमी जाईल. याचा दराला आधार मिळेल. मात्र, सीसीआय कापसाची विक्री काय दरात करते? याचा बाजारावर परिणाम होईल, असा अंदाज कापूस बाजारातील अभ्यासकांनी सांगितले.