Hingoli News : हिंगोली कृषी उत्पन्न बाजार समितीत मंगळवारी (ता. ११) भुईमूग शेंगांची सुमारे ३०० क्विंटल आवक होती. भुईमूग शेंगांना (सुकी) प्रतिक्विंटल किमान ६९०० ते कमाल ७७०५ रुपये तर सरासरी ७३०२ दर मिळाले, अशी माहिती मार्केटमधील सूत्रांनी दिली.

हिंगोली कृषी उत्पन्न बाजार समितीत मंगळवारी (ता. ११) भुईमूग शेंगांची सुमारे ३०० क्विंटल आवक होती. भुईमूग शेंगांना (सुकी) प्रतिक्विंटल किमान ६९०० ते कमाल ७७०५ रुपये तर सरासरी ७३०२ दर मिळाले, अशी माहिती मार्केटमधील सूत्रांनी दिली.

हिंगोली कृषी उत्पन्न बाजार समितीत येलदरी-सिद्धेश्वर धरणाच्या लाभक्षेत्रात यंदाच्या उन्हाळी हंगामात लागवड केलेल्या हिंगोली, परभणी जिल्ह्यातील भागातून तसेच अन्य ठिकाणांहून भुईमूग शेंगांची आवक होत आहे. एक दिवसाआड आवक घेतली जात आहे.

गेल्या महिनाभरापासून भुईमूग शेंगांच्या दरात किंचित चढउतार होत आहे. दर सरासरी सात हजारांच्या आसपास आहेत. मंगळवारी (ता. ११) भुईमूग शेंगांच्या कमाल दरात थोडी सुधारणा झाली. शनिवारी (ता. ८) भुईमूग शेंगांची २३५ क्विंटल आवक असताना प्रतिक्विंटल किमान ६६९९ ते कमाल ७३३५ रुपये तर सरासरी ७०१७ रुपये दर मिळाले.

गुरुवारी (ता. ६) भुईंमूग शेंगांची १५५ क्विंटल आवक असताना प्रतक्विंटल किमान ६६०० ते कमाल ७२८० रुपये तर सरासरी ६९४० रुपये दर मिळाले. मंगळवारी (ता. ४) भुईमूग शेंगांची ४०० क्विंटल आवक असताना प्रतिक्विंटल किमान ६३०० ते कमाल ७०६५ रुपये तर सरासरी ६६८२ रुपये दर मिळाले.