नांदेड : भारतीय कपास निगम लिमिटेड (सीसीआय) (CCI) कडून सालासर कॉटन प्रायव्हेट लिमिटेड भोकर फाटा (कलदगाव) येथे खुल्या बाजारातील दरानुसार (Cotton Rate) कापूस खरेदीचा (Cotton Procurement) प्रारंभ मंगळवारी (ता.२०) झाला.

सध्या बाजारात कपाशीला हमीभावापेक्षा अधिक दर मिळत आहे. त्यामुळे भारतीय कपास निगम लिमिटेड (सीसीआय) खुल्या बाजारात कपाशी खरेदीत उतरला आहे. या खरेदीस प्रारंभ मंगळवारी झाला.

या वेळी केंद्र प्रभारी महेंद्रपालसिंग यादव, नांदेड बाजार समितीचे सचिव वामनराव पवार, सालासर कॉटस्पिन्स मालक नरेश गोएंका, श्रीराम मेडेवार, नंदू महाजन, मार्केट कमिटीचे सहसचिव भारसावडे आदी उपस्थित होते. या वेळी मुहूर्तावर शेतकऱ्याच्या कपाशीला प्रतिक्विंटल ८ हजार १०० रुपये दर मिळाल्याची माहिती पवार यांनी दिली.

शेतकऱ्यांनी आपली कपाशी खासगी व्यापाऱ्यांना न देता ‘सीसीआय’ला द्यावी, असे आवाहन करण्यात आले आहे. दत्ता नादरे, एकनाथ मोगरकर, धम्मपाल सरोदे, बालाजी गव्हाणे, संतोष कपाटे, शेतकरी शंकर राजेगोरे, शेख मुस्तफा, व्यंकटी खांढरे आदी उपस्थित होते.