येत्या आठवड्यामध्ये सर्व द्राक्ष विभागामध्ये वातावरण बहुतांशी निरभ्र राहण्याची शक्यता आहे. काही ठिकाणी (विशेषतः नाशिकच्या आसपास) शनिवार रविवारी वातावरण कमी जास्त प्रमाणात ढगाळ राहू शकेल. मात्र, पावसाची शक्यता दिसत नाही. बहुतांश सर्व भागामध्ये कमाल तापमान ३० अंश सेल्सिअस, तर किमान तापमान १७-१८ अंश सेल्सिअसपेक्षा कमी राहील. अशा वातावरणामध्ये भुरी रोगाचा प्रादुर्भाव वाढू शकतो. त्यामुळे त्याच्या नियंत्रणाबाबतीत गाफील राहू नका. मागील आठवड्यामध्ये सांगितलेल्या उपाययोजना या आठवड्यासाठीही लागू आहेत. त्यानुसार कार्यवाही करावी .