कापूस अवस्था ः फुले उमलणे ते बोंडे धरणे फुलकिडे या रसशोषक किडींच्या नियंत्रणासाठी फवारणी प्रति लिटर पाणी फिप्रोनील (८० डब्ल्यू. जी.) १.३३ ग्रॅम 

तूर अवस्था ः फुलोऱ्याची अवस्था शेंगा पोखरणाऱ्या अळीच्या व्यवस्थापनासाठी ५% निंबोळी अर्क किंवा कडूनिंब आधारीत कीटकनाशक (१० हजार पीपीएम) २ ते ३ मि.लि. प्रति लिटर या प्रमाणे फवारणी करावी.

गहू अवस्था ः पेरणीपूर्व तयारी गव्हाची पेरणी १५ ऑकटोबर ते १५ नोव्हेंबर या कालावधीत करावी.  गव्हाच्या खालीलपैकी एका वाणाची पेरणी करावी.  वेळेवर पेरणीसाठी एन.आय.ए.डब्लू.-३०१ (त्र्यंबक),  एन.आय.ए.डब्लू.-९१७ (तपोवन),  एन.आय.डी.डब्लू.-२९५ (गोदावरी)  बागायती उशिरा पेरणीकरिता, एन.आय.ए.डब्लू.-३४.  रायत पेरणीकरिता एन.आय.डी.डब्लू.-१५ (पंचवटी).  हेक्टरी १०० ते १२५ किलो बियाणे वापरावे.  पेरणीवेळी हेक्टरी ६० किलो नत्र, ३० किलो स्फुरद आणि ४० किलो पालाश द्यावे. पेरणीनंतर ३ आठवड्यांनी खुरपणीनंतर ६० किलो नत्र, ३० किलो स्फुरद द्यावे.

कांदा अवस्था ः वाढ फुलकिडे : बारीक पिले पानातील रस शोषून घेतात, त्यामुळे पाने खरवडल्यासारखी दिसतात.  या किडीच्या नियंत्रणासाठी फवारणी प्रति लिटर पाणी डायमेथोएट (३०टक्के ईसी) १.५ मि.लि. किंवा लॅम्बडा सायहॅलोथ्रीन (५ टक्के ई.सी.) ०.६ मि.लि. फवारणी करताना चिकट द्रव्याचा वापर जरूर करावा. करपा रोग पानावर पिवळसर भुरकट रंगाचे ठिपके दिसतात.  यांच्या नियंत्रणासाठी, फवारणी प्रति लिटर पाणी  मॅन्कोझेब ३ ग्रॅम किंवा टेब्युकोनॅझोल १ ग्रॅम  पुढील फवारणी १० ते १५ दिवसांच्या अंतराने बुरशीनाशक बदलून करावी. 

टोमॅटो अवस्था ः फळे लागणे टोमॅटोवरील रस शोषणाऱ्या किडी (फुलकिडे, पांढरी माशी व मावा) यांच्या नियंत्रणासाठी, फवारणी प्रति लिटर पाणी इमिडाक्लोप्रिड (१८. एस.सी.) ०.५ मिली किंवा फिप्रोनील (५ इसी) १.५ मिली. करपा रोगाच्या नियंत्रणासाठी, फवारणी प्रति लिटर पाणी कार्बेन्डाझीम १ ग्रॅम. 

सीताफळ पिठ्या ढेकणाचा प्रादुर्भाव दिसून येताच, व्हर्टिसिलियम लेकॅनी ४०० ग्रॅम अधिक १ लिटर दूध प्रति १०० लिटर पाणी या प्रमाणे संध्याकाळी फवारणी करावी.  ः ०२४२६-२४३२३९ (कृषी विद्या विभाग, महात्मा फुले कृषी विद्यापीठ, राहुरी)