माझी शिंदेवाडी गावामध्ये अडीच एकर शेती आहे. यामध्ये दोन एकर क्षेत्रात ऊस आणि वीस गुंठ्यांत चारा पिकांची लागवड असते. बाजारपेठेचा अभ्यास करून तीन वर्षांपूर्वी मी शेळीपालनाचा व्यवसाय सुरू केला. त्यापूर्वी शेळीपालनाचे दोनदिवसीय प्रशिक्षण घेतले होते.
विक्री नियोजन मी शक्यतो बाजारपेठ किंवा व्यापाऱ्यांना विक्री करत नाही. सोशल मीडियाद्वारे थेट शेतकऱ्यांना शेळी, बोडकांची विक्री केली जाते. आमचा शेळीपालकांचा गट आहे. जातिवंत शेळ्यांची पैदास असल्याने बहुतांश विक्री ब्रीडिंगसाठी होते. दर चार महिन्यांनी १५ ते २० शेळ्या, बोकडांची विक्री होते.
