Satara News : दर पाच वर्षांनी होणारी पशुगणना नोव्हेंबरपासून सुरू झाली. यंदाची २१ वी पशुगणना पहिल्यादांच मोबाईल ॲपद्वारे होत असली तरी दुर्गम भागात नेटवर्कच्या अडथळ्यामुळे पशुगणना करण्यास मर्यादा येत आहे. दुर्गम भागात कागदोपत्री व ॲपवर नोंदणी करावी लागत असल्याने एकच काम दोनदा करण्याची वेळ कर्मचाऱ्यावर येत आहे.

केंद्र सरकारकडून दर पाच वर्षांत देशातील पशूंची गणना केली जाते. २०१९ मध्ये पशुगणनेत तीन कोटी जनावरांची नोंद झाली होती. सध्या सुरू झालेल्या पशुगणनेसाठी पहिल्यांदाच मोबाईल ॲपचा वापर केला जाणार असून १६ प्रकारच्या जनावरांची गणना केली जाणार आहे.

यामध्ये गोवंश आणि म्हैसवर्गीय सर्व जनावरे, रस्त्यावर फिरणारी कुत्रे व मांजरे, सर्व गोशाळांपर्यंत जाऊन गोशाळांचे सर्वेक्षण यांसह रस्त्यावर भटकंती करणाऱ्या पशूंचाही समावेश गणनेत होणार आहे.

प्रगणकामध्ये जनावराचे ब्रीड, लिंग व वय याची नोंद केली जात आहे. यामध्ये मोबाइल ॲपच्या माध्यमातून जणगणना सुरू आहे. दुर्गम भाग वगळता इतर ठिकाणी पशुगणना सुरळीत सुरू आहे. दुर्गम भागात नोंद करण्यासाठी प्रगणकांना अडचणी येत आहे.