Solapur News: मे महिन्यात झालेला दमदार पाऊस आणि सध्याही उजनी धरणाच्या कार्यक्षेत्रात होत असलेल्या सततच्या पावसामुळे सोलापूर जिल्ह्याची वरदायिनी असणाऱ्या उजनी धरणातील पाणीपातळीची वाटचाल आता ५० टक्क्यांकडे चालली आहे.

सोमवारी (ता. १६) धरणातील पाणीपातळी ४७.६१ टक्क्यांवर पोचली. मंगळवारी (ता. १७) मात्र धरण ५० टक्क्यांची पातळी ओलांडणार आहे.

उपयुक्त पाणीसाठा ५० टक्क्यांहून अधिक होईल इतकी पाण्याची आवक दौंडवरून सुरू आहे. सध्या धरणात ८९.१७ टीएमसी एकूण पाणीसाठा असून, त्यात २५.५१ टीएमसी इतका उपयुक्त पाणीसाठा आहे. तर या पाण्याची टक्केवारी ४७.६१ टक्के आहे.

रविवारी (ता. १५) १२ तासांत सकाळी सहा ते सायंकाळी सहा या वेळेत धरणात एक टीएमसी पाणी वाढले होते. अजूनही धरणात दौंडवरून ११ हजार ८० हजार क्युसेकची आवक सुरू आहे. उद्यापर्यंत धरण ५० टक्क्यांची पातळी ओलांडणार आहे.