Solapur News : भागवत संप्रदायाचा पाया मजबूत असल्याने आज विज्ञान युगातही अध्यात्म यशस्वी ठरत आहे. वारकरी संप्रदाय अध्यात्म आणि संस्काराचा मोठा ठेवा आहे, असे विचार संत ज्ञानेश्वर महाराज देवस्थान आळंदीचे प्रमुख विश्वस्त ह.भ.प. निरंजननाथ योगी महाराज यांनी व्यक्त केले.

सांगोला येथे अखिल भाविक वारकरी मंडळाचे पहिले राज्यस्तरीय वारकरी संमेलन रविवारी (ता. ९) रोजी झाले. या कार्यक्रमाच्या अध्यक्षस्थानावरुन निरंजननाथ योगी महाराज बोलत होते.

यावेळी संत नामदेव महाराज यांचे वंशज ह.भ.प. माधव महाराज नामदास, गोपाळअण्णा वासकर महाराज, अखिल भारतीय वारकरी मंडळाचे राष्ट्रीय अध्यक्ष सुधाकर इंगळे महाराज, ह.भ.प. नामदेव चवरे महाराज, ह.भ.प. अक्षय भोसले महाराज, ह.भ.प. जोतीराम चांगभले महाराज, जिल्हाध्यक्ष ह.भ.प. ज्ञानेश्वर भगरे महाराज, ह.भ.प. बिरा बंडगर महाराज, माजी आमदार दीपक साळुंखे-पाटील, सतीश सावंत तसेच वारकरी संप्रदायातील अनेक मान्यवर, वारकरी जिल्हाध्यक्ष व महिला पदाधिकारी उपस्थित होते.

संमेलनामध्ये घेण्यात आलेले ठराव ठराव -

कलाकार मानधन समितीमध्ये जिल्ह्यात भाविक वारकरी मंडळाचा एक प्रतिनिधी असावा

कलाकार मानधान निवड करताना ५० टक्के वारकरी असावेत.

माघ वारीला आषाढी वारीप्रमाणे प्रत्येक दिंडीला मानधान सुरु करावे.

प्रत्येक जिल्ह्यात एक वारकरी भवन उभे करावे.

शालेय शिक्षणामध्ये संत वाड:मय जास्त असावे.

भाविक वारकरी मंडळ पदाधिकारी जिथं सप्ताह संयोजक असतील तिथं कीर्तनामध्ये इतर गीतांना बंदी असावी.

वारकरी शिक्षण घेतलेल्या मुलांना शैक्षणिक प्रवेशसाठी ५ टक्के मार्क गृहीत धरावेत.

महाराष्ट्रातील सर्व तीर्थक्षेत्रामध्ये मांस विक्री बंदी व दारू बंदी असावी. तीर्थक्षेत्राच्या ३ कि. मीटर आत बंदी असावी असे विविध प्रकारचे ठराव संमत केले.