Sangli News : जिल्ह्यातील १७ साखर कारखान्यांनी ७१ लाख २२ हजार ६१५ टन उसाचे गाळप करत ७४ लाख ४२५ क्विंटल साखरेचे उत्पादन घेतले आहे. त्यापैकी तीन साखर कारखान्यांचा यंदाचा गाळप हंगाम आटोपला आहे. जिल्ह्याचा सरासरी उतारा १०.३९ टक्के आहे.

जिल्ह्यातील १७ पैकी १० कारखाने सहकारी तर ७ कारखाने खासगी आहेत. जिल्ह्यात एक लाख ३७ हजार हेक्टर उसाची नोंद आहे. जिल्ह्यातील उपलब्ध उसापैकी सुमारे ८० टक्क्यांहून अधिक उसाचे गाळप झाल्याचे सांगण्यात आले. उताऱ्यात ‘हुतात्मा’ तर गाळपात ‘सोनहिरा’ कारखाना आघाडीवर आहे. कुंडल साखर कारखान्याने सर्वाधिक साखरेचे उत्पादन घेतले आहे.

जिल्ह्यातील सद्यःस्थितीला १४ साखर कारखान्यांचा हंगाम सुरू आहे. बहुतांश कारखान्याच्या लाभ क्षेत्रातील ऊस संपत आला आहे. रस्त्याकडील ऊस नेण्यासाठी आता कारखान्यांची स्पर्धा सुरू झालेली आहे. जिल्ह्यातील दुष्काळी भागातील म्हणजे जत, मिरज तालुक्यांचा पूर्व भाग आणि आटपाडी तालुका या भागातील राजारामबापू युनिट ४, मोहनराव शिंदे, आरग, सदगुरु श्रीश्री या साखर कारखान्यांचा गाळप हंगाम आटोपला आहे.

एकरकमी उचलमुळे आंदोलने नाहीत

जिल्ह्यातील सर्व साखर कारखान्यांनी एक रकमी पहिली उचल जाहीर केली. त्यामुळे यंदा शेतकरी संघटनांनी ऊस दराबाबत आंदोलन केले नाही. परिमाणी ऊस गाळपास अडचणी आल्या नसल्याचे चित्र आहे. यामुळे गाळप हंगाम वेळेत सुरू झाल्याने हंगाम लवकर संपण्याचे चित्रे आहे.

साखर कारखाना गाळप (टन) उत्पादन (क्विंटल) उतारा (टक्के)

श्री दत्त इंडिया ७,७९,५७० ८,१०,२२० १०.४७

राजारामबापू युनिट १ ५,६९,०४० ६,५२,७०० ११.६

विश्‍वास, चिखली ४,२२,७९० ५,०२,५४० ११.९७

हुतात्मा, वाळवा ४,३७,५१० ४,८८,५२५ १२.७८

राजारामबापू युनिट २ ३,६४,०४० ४,५५,४०० १२.४८

एस ई झेड तुरची ४१,३२० २२,८४० ७.४८

राजारामबापू युनिट ४ २,०५,३६५ २,२६,७०० १०.३३

सोनहिरा, वांगी ८,९१,४६० ८,०४,३५० ९.११

क्रांती अग्रणी, कुंडल ८,२८,२०० ८,७९,४१० १२.१

राजारामबापू युनिट-३ २,६३,९७० ३,१६,२३० १२.२१

मोहनराव शिंदे, आरग ३,१७,९८५ ३,४५,५०० १०.९२

दालमिया, कोकरूड ४,१७,८६० ५,१२,४०० १२.२९

यशवंत शुगर, नागेवाडी १,६२,७५० १,८४,२८५ ११.४४

रायगाव शुगर १,४००,९० १,३९,७०० १०.७९

उदगिरी, खानापूर ४,७७,९३१ ३,४८,००० ७.२८

सदगुरु श्रीश्री ४,८९,१४४ ३,६४,२५५ ७.३७

श्रीपती शुगर, डफळापूर ३,१३,५९० ३,४७,३७० ११.२४

एकूण ७१,२२,६१५ ७४,००,४२५ १०.३९