Jalgaon News : वादळी वाऱ्यासह अवकाळी पावसामुळे शिरपूर तालुक्यात पिके व शेती नुकसानीची पटेल परिवारासह तहसीलदारांनी पाहणी केली.

यंत्रणेने तातडीने सरसकट पंचनामे करुन नुकसानग्रस्तांना मदत मिळवून देण्याची माजी मंत्री तथा आमदार अमरिशभाई पटेल, आमदार काशीराम पावरा, माजी नगराध्यक्ष भूपेशभाई पटेल यांनी सूचना दिली.

थाळनेर, होळनांथे मंडळात वादळी वाऱ्यासह अवकाळी पावसामुळे पिकांचे तसेच असंख्य टिशू कल्चर केळी रोपे, शेतीपयोगी साहित्याचे, मान्सून पूर्व पेरणीच्या पिकांचे, धूळपेरणी बियाणे, खतांचे नुकसान झाले. या परिसरातील शेतकरी आर्थिक संकटात सापडला आहे.

भरपाईसाठी प्रयत्न

नुकसानग्रस्त भागात सबंधित तलाठी आणि कृषि विभागानेही तातडीने पंचनामे करुन अवकाळी पावसाने बाधीत शेतकऱ्यांचा सहानुभुतीपूर्वक विचार करावा व नुकसान भरपाई मिळवून देण्यासाठी योग्य ती कार्यवाही करावी, असे निर्देश आमदार अमरिशभाई पटेल, आमदार काशीराम पावरा, माजी नगराध्यक्ष भूपेशभाई पटेल यांनी दिलेत.