Sindhudurg News : पंतप्रधान योजना ग्रामीण टप्पा २ अंतर्गत सिंधुदुर्ग जिल्ह्याला दिलेल्या उद्दिष्टांच्या १२८.१२ टक्के काम करीत सिंधुदुर्ग जिल्हा राज्यात अव्वल ठरला आहे. या वर्षात जिल्ह्यात ७ हजार ९७ इतकी घरकुल मंजूर झाली आहेत.

पंतप्रधान आवास योजना ग्रामीण टप्पा २ अंतर्गत सिंधुदुर्ग जिल्ह्याला ५ हजार ५३९ घरकुलांचे उद्दिष्ट देण्यात आले होते.

परंतु जिल्हा प्रशासनाने ७ हजार ९६ इतक्या घरकुलांना प्रथम हप्ता मंजूर करीत उद्दिष्टांच्या १२८.१२ टक्के केले आहे.याशिवाय नव्याने ९ हजार ९३६ घरकुलांचे उद्दिष्ट प्राप्त झाले असून १०० टक्के घरकुलांना मंजुरी दिली आहे.

पाच ग्रामपंचायतींची निवड

पंतप्रधान आवास योजनेचे सिंधुदुर्गात अतिशय चांगले काम सुरू आहे. जिल्ह्यातील कुडाळ, वेंगुर्ले आणि कणकवली तालुक्यांतील पाच ग्रामपंचायतींची गृह उत्सवांसाठी निवड करण्यात आली आहे.

यामध्ये वेंगुर्लेतील शिरोडा, परूळ बाजार, सावंतवाडीतील निरवडे, कणकवलीतील कलमठ, कुडाळातील माणगाव या पाच ग्रामपंचायतींचा समावेश आहे.