Pune News : स्वयं टॉक्स आणि ‘ॲग्रोवन’ यांच्या संयुक्त विद्यमाने ‘शेत हसल’ या कार्यक्रमाचे आयोजन करण्यात आले आहे. पुण्यातील ‘किसान’ कृषी प्रदर्शनात १२ ते १४ डिसेंबर दरम्यान सायंकाळी ४.३० ते ६.३० या वेळेत कृषिविषयक कार्यक्रम आयोजित करण्यात आले आहेत. या वेळी शेती व्यवसायातील आयडॉल्स, रोल मॉडेल्सना भेटण्याची संधी शेतकऱ्यांना मिळणार आहे.

या कार्यक्रमात शेती विकासासाठी शासकीय व खासगी संस्थांच्या योजना, शेती विकासासाठी सोशल मीडियाचा वापर, शेती विकासातील संधी, सेंद्रिय शेती, महाराष्ट्रातील शेतकऱ्यांची ग्लोबल झेप, पानी फाउंडेशनचे कार्य अशा अनेक विषयांवर नामवंत तज्ज्ञ मार्गदर्शन करणार आहेत.

शेतीला एका उत्तम व्यवसायाचे स्वरूप देत प्रगती कशी साधायची, जागतिक स्तरावरील संधी याबद्दल सविस्तर माहिती येथे मिळणार आहे. तसेच शेतकऱ्यांना आपल्या मनातील शंका, प्रश्‍न विचारण्याची, नामवंत तज्ज्ञांशी संवाद साधण्याची संधी या वेळी मिळणार आहे.

शेतकरी, कृषी अभ्यासक आणि कृषी प्रेमींसाठी हा कार्यक्रम उपयुक्त ठरेल. या कार्यक्रमात सहभागी होण्यासाठी पुढील लिंकवर नाव नोंदणी करावी. http://shethustle.kisan.in/