Solapur News : सहकारमहर्षी साखर कारखाना उसास पहिला हप्ता २६०० रुपये आणि पोळा सणाकरिता १०० रुपये तसेच दीपावलीकरिता २०० रुपये याप्रमाणे एकूण २९०० रुपये प्रतिटन दर देणार आहे.

फेब्रुवारी २०२५ पासून पुढे येणाऱ्या उसास शंभर रुपयांचे अनुदान दीपावली सणाच्या बिलाबरोबर देणार असल्याची माहिती अध्यक्ष जयसिंह मोहिते- पाटील यांनी दिली.

सहकारमहर्षी शंकरराव मोहिते- पाटील सहकारी साखर कारखान्याने माजी उपमुख्यमंत्री विजयसिंह मोहिते- पाटील व अध्यक्ष जयसिंह मोहिते-पाटील यांच्या मार्गदर्शनाखाली प्रगतिपथावर वाटचाल करीत आहे.

ऊस गळीत हंगाम १५ नोव्हेंबर रोजी सुरू झाला असून, शुक्रवार (ता. १३)अखेर दोन लाख ३६ हजार ७७७ मे. टन उसाचे गाळप होऊन दोन लाख १० हजार ९५० साखर पोत्यांचे उत्पादन झाले आहे.

सुगंधी तंबाखूबाबत तपास करण्याची मागणी

त्या ठिकाणी एक पाकीट फोडून पाहिले असता त्यात सुगंधी तंबाखू व इतर घटक पदार्थ, चुना आदी पदार्थांचे मिश्रण असल्याचे आढळून आले. ही सुगंधी तंबाखू कोठून खरेदी केली? ती कुणाला द्यावयाची होती? त्याचे उत्पादक कोण आहेत? या सर्व गोष्टींचा तपास करण्याची मागणी अशोक इलागरे यांनी फिर्यादीत केली आहे.